[᭔᭘ 48B]
᭔᭘
ᬩᭂᬥᬶᬮ᭄ᬫᬫᬲ᭄᭞ᬭᬤᬾᬦ᭄ᬧ᭄ᬭᬩᬗ᭄ᬰᬜᬳᬸᬭᬶᬦ᭄᭞ᬩᬶᬮᬶᬄᬓᬗᬭᬦ᭄᭞ᬲᬂᬧᬜ᭄ᬚᬶᬫᬮᬢ᭄ᬭᬰ᭄ᬫᬶᬦ᭄᭟ᬧ᭄ᬭᬚᬸᬭᬶᬢ᭄ᬩᬕᬸᬲ᭄ᬓᬲᬸᬩ᭄ᬓᬧᬮᬦᬶᬂᬧ᭄ᬭᬂ᭞ᬮᬶᬯᬢ᭄ᬓᬾ
ᬫᬦ᭄ᬭᬶᬂᬦᬺᬧᬢᬶ᭞ᬢᬃᬓ᭄ᬓᬦᬶᬗ᭄ᬲᬸᬦ᭄ᬢᬦ᭄ᬮ᭄ᬬᬦ᭄᭞ᬯᭀᬂᬳᬶᬓᬶᬗ᭄ᬭᬸᬲᬓ᭄ᬦᬵᬣ᭞ᬓᬍᬫ᭄ᬫᬗ᭄ᬓᬶᬦ᭄ᬫᬹᬃᬓ᭄ᬓᬩᬸᬤ᭄ᬥᬶ᭞ᬗ᭄ᬯᬂᬤᬾᬯᬾᬓ᭄ᬳᬗ᭄ᬕᬵ᭞ᬦᭀᬭᬢᬸᬚᬸᬪᬸᬧᬢᬶ᭟ᬰ᭄ᬭᬷᬫᬮ
ᬬᬹᬗᬦ᭄ᬤᬶᬓᬬᬂᬫᬳᬶᬮᬶᬤᬦ᭄᭞ᬫᬗ᭄ᬥᬵᬫᬳᬮᬶᬗᬦ᭄ᬕᭂᬮᬶᬲ᭄᭞ᬲᬫᬶᬫᬳᬶᬮᬶᬤᬦ᭄᭞ᬫᭂᬗ᭄ᬓᭂᬩ᭄ᬕᭂᬩᭂᬂᬅᬗ᭄ᬰᭀᬓᬵ᭞ᬰ᭄ᬭᬷᬫ᭄ᬮᬬᬹᬢ᭄ᬯᬭᬓᬳᬓ᭄ᬱᬶ᭞ᬩᬵᬦ᭄ᬲᬶᬭᬧᬜ᭄ᬚᬶ
ᬬ᭞ᬲᭀᬓ᭄ᬭᬤᬾᬦᬮᬸᬧᬗ᭄ᬕᬶᬄ᭟ᬢᬶᬗ᭄ᬕᬃᬦᭂᬕᬓ᭄ᬗᬶᬚᬲ᭄ᬗᬭᬕᬵᬦᭂᬫ᭄ᬧᬮ᭄ᬰᬶᬮᬵ᭞ᬫᬜᭂᬩᭂᬂᬕᭂᬚᭂᬃ᭞ᬲᬫ᭄ᬩᬶᬮ᭄ᬫᭂᬘᬸᬓ᭄ᬯᬶᬫ᭄ᬩᬵ᭞ᬫᬓᭀᬄᬓᭀᬳᬦ᭄ᬢᭂᬗ᭄ᬓ
[᭔᭙ 49A]
ᬳᬓ᭄᭞ᬰ᭄ᬭᬷᬫᬮᬬᬸᬓ᭄ᬜᭂᬫ᭄ᬗᬓ᭄ᬱᬶ᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂ᭞ᬓ᭄ᬭᬾᬢᬵᬫᬓᬤᬶᬩᬾᬡ᭄ᬥᬶ᭟ᬲᬶᬭᬧᬜ᭄ᬚᬶᬫᬗ᭄ᬓᬶᬦᬵᬯᬲ᭄ᬓ᭄ᬜᭂᬫ᭄ᬜᭂᬫᬓ᭄᭞ᬭᬤᬾᬦ᭄ᬳᬮᬸᬫᬮᬶᬗ᭄ᬕᬶᬄ᭞ᬲᭀ
ᬮᬄᬓᬤᬶᬳᬾᬤᬦ᭄᭞ᬓ᭄ᬩᭀᬳᬗᬦᬗᬸᬦ᭄ᬗᬸᬘᬧ᭄᭞ᬰ᭄ᬭᬷᬭᬦ᭄ᬢᬦᬚᬧᬸᬦᬶᬓᬶ᭞ᬫᭂᬗ᭄ᬓᭂᬩ᭄ᬫᬵᬮᬶᬗᬦ᭄᭞ᬳᬦ᭄ᬢᬸᬓ᭄ᬳᬗ᭄ᬰᭀᬓᬅᬱ᭄ᬝᬶ᭟ᬲᬶᬭᬧᬜ᭄ᬚᬶᬕᭂᬮᬶᬲ᭄ᬢᭂᬥᬸᬦ᭄ᬲᬓᬶᬂ
ᬓᬸᬤᬵ᭞ᬲᬫ᭄ᬩᬶᬮ᭄ᬦᬤ᭄ᬢᬤ᭄ᬘᭂᬫᭂᬢᬶ᭞ᬧᬫᬃᬕ᭄ᬕᬶᬦᬾᬩᬦ᭄ᬩᬦ᭄᭞ᬲᬋᬂᬓᬸᬤᬦᬶᬭᬵᬃᬣ᭞ᬯᬸᬲ᭄ᬮᬶᬦ᭄ᬢᬂᬧᬫ᭄ᬧᬢᬦ᭄ᬫᬃᬕ᭄ᬕᬶ᭞ᬲᬂᬧ᭄ᬭᬪᬹᬗᬸᬘᬧ᭄᭞ᬳᬗᭀᬩ᭄ᬗᬍᬫ᭄ᬲᬂᬧᬜ᭄ᬚᬶ᭟
ᬳᬶᬓᬶᬢᬸᬳᬸᬯ᭄ᬯᭀᬂᬧᭂᬓᬶᬓ᭄ᬫᬦᬶᬲ᭄ᬲᬺᬗ᭄ᬕᬭ᭞ᬭᬕᬲᬫᬭᬫᬹᬃᬢ᭄ᬢᬶ᭞ᬲᬶᬦᬸᬫ᭄ᬩᬸᬂᬭᬶᬂᬪ᭄ᬯᬦ᭞ᬳᬢᬹᬢᬸᬚᬭᬾᬯ᭄ᬯᭀᬂᬓᬢᬄ᭞ᬢᬦᬦᬯ᭄ᬯᭀᬂᬫᬦᬦ᭄ᬥᬶᬗᬶᬦ᭄᭞ᬩᬕᬸ
Page:Bali-lontar-paparikan-malat-01-550ppi.pdf/49
This page has been proofread.
