[᭕᭐ 50B]
᭕᭐
ᬲᬫᬢ᭄ᬭᬵᬲᬶᬭᬧᬜ᭄ᬚ᭄ᬬᬵ᭞ᬰ᭄ᬭᬷᬭᬦ᭄ᬢᬦᬚᬜᬳᬸᬭᬶᬦ᭄᭞ᬳᬶᬗ᭄ᬲᬸᬦᬵᬫ᭄ᬩᬢᬂ᭞ᬳᬧ᭄ᬢ᭄ᬬᬵᬤᬺᬫᬦ᭄ᬓᬶᬦᬲᬶᬄ᭟ᬤ᭄ᬯᬦᬶᬂᬲ᭄ᬗᬶᬢ᭄ᬢᬦᬓᬸᬃᬲᬢᬢᬗᬦ᭄ᬥᬂ᭞ᬲᬢᬢᬢᬸᬗ᭄ᬓᬲ᭄ᬳᭂ
ᬮᬶᬓ᭄᭞ᬦ᭄ᬤᬢᬦ᭄ᬩᬶᬲᬲᬺᬤᬄ᭞ᬭᬤᬾᬦ᭄ᬲᭂᬦᭂᬢᬦ᭄ᬦᬶᬫ᭄ᬩᬮ᭄᭞ᬓᬢᬸᬚᬸᬭᬢᬸᬫᬕᬶᬗ᭄ᬲᬶᬃ᭞ᬭᬤᬾᬦ᭄ᬧ᭄ᬭᬩᬗ᭄ᬰ᭞ᬩᬲ᭄ᬲᬶᬕᬸᬕ᭄ᬫᬜᬸᬓᬓᬶᬦ᭄᭟ᬲᬫᬵᬕᬸᬬᬸᬓᬂᬫᬦ᭄ᬢ᭄ᬭᬶ
ᬓ᭄ᬩᭀᬯᬗ᭄ᬓᬯᬵ᭞ᬫᬲᬳᬸᬃᬲᬥᬫᬶᬗᬶᬲ᭄᭞ᬧ᭄ᬭᬶᬗᬦᬾᬦᬶᬓᬵ᭞ᬲᬦᬾᬩᬂᬩᬂᬰᬭᬶᬭᬵ᭞ᬳᬲᬺᬂᬳᬩᬺᬗᭀᬲ᭄ᬚᬾᬗ᭄ᬕᭀᬢ᭄ᬓᬸᬫᬶᬲ᭄᭞ᬜᬦ᭄ᬥᬂᬢᬫ᭄ᬧᭂᬓᬂ᭞
ᬓᬦ᭄ᬢᭂᬦ᭄ᬲᬸᬰ᭄ᬭᬸᬲᬪᬓ᭄ᬢᬶ᭟ᬭᬗ᭄ᬕᬵᬚᭂᬮᬥᬓᭂᬜᭂᬫ᭄ᬫᬲᬳᬸᬃᬦᬶᬫ᭄ᬩᬮ᭄᭞ᬜᬦ᭄ᬥᬂᬧᬸᬘᬸᬓᬂᬦᬶᬓᬶ᭞ᬳᬢᬸᬃᬫᬾᬫ᭄ᬧᭂᬃᬲᬶᬭ᭞ᬭᬹᬧᬦᬾᬧᬦ᭄ᬢᭂᬲ᭄ᬲᭀᬗᬃ᭞ᬓᬸ
[᭕᭑ 51A]
ᬭᬂᬲᭀᬫ᭄ᬬᬮᬸᬘᬸᬩᬸᬤ᭄ᬥᬶ᭞ᬓᬂᬳᬮᬶᬢ᭄ᬧᬜ᭄ᬚᬂ᭞ᬚᬶᬦᬃᬳᬲᭀᬘᬓᬸᬦᬶᬂ᭟ᬲᬫᬕᬸᬬᬸᬫᬓᬤᬶᬲᬂᬭᬦ᭄ᬢᬦᬚ᭞ᬘᬭᬶᬢᬲᬶᬭᬧᬜ᭄ᬚᬶ᭞ᬭᬯᬸᬄᬭᬶᬂᬧ᭄ᬭᬡᬕᬵ᭞
ᬯᬸᬲ᭄ᬢᭂᬥᬸᬦ᭄ᬲᬓᬶᬂᬤᭀᬓᬃ᭞ᬫᬗ᭄ᬭᬜ᭄ᬚᬶᬂᬓᬚ᭄ᬭᭀᬧᬹᬭᬶ᭞ᬲᬕᬾᬢ᭄ᬤᬧᭂᬢᬂ᭞ᬳᬶᬦᬸᬱᬳᬃᬱᬧᬗ᭄ᬕᬶᬄ᭟ᬤᬶᬳᬫ᭄ᬩᬾᬦᬾᬲᬋᬂᬦᬾᬳᬮᬶᬢᬦ᭄ᬦᭂᬕᬓ᭄᭞ᬫᬲ᭄ᬮᬾᬫ᭄ᬧᭀ
ᬢ᭄ᬲᬸᬢ᭄ᬭᬧᬸᬢᬶᬄ᭞ᬢᬮᬸᬓᬶᬫᬩᬶᬦ᭄ᬢᬂ᭞ᬫᬯᬲ᭄ᬢ᭄ᬭᬩᬢᬶᬓ᭄ᬱᬸᬢ᭄ᬭ᭞ᬫᬧᬸᬘᬸᬓ᭄ᬋᬩᭀᬂᬫᬘᬯᬶ᭞ᬲᬩᬸᬓ᭄ᬳᬾᬮᭀᬳᬦ᭄᭞ᬤᬤᬸᬫᬢᬲ᭄ᬫᬾᬦ᭄ᬓᬸᬦᬶᬂ᭟ᬢᬸᬃᬫᬕ᭄ᬮᬂᬳ
ᬦ᭄ᬢᬸᬓ᭄ᬫᬵᬲ᭄ᬢᭂᬥᬸᬦ᭄ᬫᬸᬗ᭄ᬕᬄ᭞ᬫᬲᭂᬓᬃᬳᬗ᭄ᬕᬾᬓ᭄ᬕ᭄ᬭᬶᬗ᭄ᬲᬶᬂ᭞ᬯᬶᬢ᭄ᬲ᭄ᬮᬾᬄᬲᬺᬗ᭄ᬕᬭ᭞ᬦᬫ᭄ᬧᬩᬦ᭄ᬢᭂᬦ᭄ᬲᬳᬕᬦ᭄᭞ᬲᬺᬕᭂᬧ᭄ᬫᬯᬤᬄᬩᬵᬦ᭄ᬲᬶᬤᬶ᭞ᬢᬓᬾ
Page:Bali-lontar-paparikan-malat-01-550ppi.pdf/51
This page has been proofread.
