[᭕᭒ 52B]
᭕᭒
ᬮᬦ᭄ᬫᬦ᭄ᬢ᭄ᬭᬶᬕᬕ᭄ᬮᬂᬲᬫᬶ᭞ᬧᬭᬳᬶᬲ᭄ᬢ᭄ᬭᬷᬯᬸᬲ᭄ᬫᬦᬥᬄ᭞ᬧᬗᬬᬄᬫᬓᬤᬶᬭᬩᬶ᭞ᬲᬶᬭᬧᬜ᭄ᬚᬶᬗᬸᬘᬧ᭄ᬫᬦᬶᬲ᭄᭞ᬳᬶᬢᬶᬢᬄᬚᬶᬯᬵᬓᬳᬸᬢᬸᬲ᭄᭞ᬫᬦᬩ᭄ᬥᬩ᭄ᬧᬕᭂᬦᬳᬦ᭄᭞
ᬧᬸᬢ᭄ᬭᬶᬲᬦᬾᬯᬯᬸᬧ᭄ᬭᬧ᭄ᬢᬶ᭞ᬭᬤᬾᬦ᭄ᬕᬮᬸᬄᬦᬯᬂᬰᬰᬶᬄᬫᬸᬗ᭄ᬕ᭄ᬯᬶᬂᬓᬶᬮ᭄ᬬᬦ᭄᭟ᬳᬢᬸᬭᬦᬩᬭᬂᬩᬭᬂ᭞ᬯᬲ᭄ᬢ᭄ᬭᬵᬳ᭄ᬫᬵᬲ᭄ᬅᬃᬣᬭᬶᬗ᭄ᬕᬶᬢ᭄᭞ᬲᬶᬭᬦᬯᬂᬭᬢ᭄ᬦᬭᬶᬂᬮᭀᬃ᭞
ᬮᬦᬵᬲ᭄ᬢ᭄ᬭᬋᬚᬱᬦᬫᬶ᭞ᬫ᭄ᬯᬄᬓ᭄ᬱᬢ᭄ᬭᬶᬬᬓᬓᬮᬶᬄ᭞ᬭᬶᬂᬢᬫᬦ᭄ᬯᬾᬢᬦ᭄ᬳᬤᬸᬮᬸᬃ᭞ᬳᬳᭂᬍᬢ᭄ᬓᭂᬮᬶᬃᬲᬮᬫ᭄ᬩᬵ᭞ᬦᬶᬯᬶᬱᬵᬃᬱᬮᬦ᭄ᬯᬶᬱᬢᬶ᭞ᬲᬾᬳᭀᬲ᭄ᬓᬸᬯᬸ᭞
ᬳᬲᬸᬗᬦᬳ᭄ᬫᬵᬲᬵᬃᬣ᭟ᬤᬾᬦ᭄ᬧᬸᬓᬸᬮ᭄ᬭᬣᬲᬥᬬᬵ᭞ᬳᬲᬸᬂᬳ᭄ᬫᬵᬲ᭄ᬅᬃᬣᬭᬶᬗ᭄ᬕᬶᬢ᭄᭞ᬧᬸᬦ᭄ᬭᬗ᭄ᬕᬵᬫᬲᬸᬓ᭄ᬭᬶᬂᬧᬹᬭ᭞ᬳᬦᭂᬫ᭄ᬩᬄᬭᬶᬂᬦᬯᬂᬰᬰᬶᬄ᭞ᬳᬶᬗ᭄ᬲᬸ
[᭕᭓ 53A]
ᬦᬶᬗᬸᬢᬸᬲ᭄ᬧ᭄ᬭᬧ᭄ᬢᬶ᭞ᬳᬫᬢᬹᬃᬭᬶᬚᭂᬂᬧᬸᬓᬸᬮᬸᬦ᭄᭞ᬧᬰ᭄ᬘᬶᬫᬵᬳᬸᬗ᭄ᬕ᭄ᬯᬦ᭄ᬭᬢ᭄ᬭ᭄ᬬᬦ᭄᭞ᬬᬦ᭄ᬤ᭄ᬬᬄᬧᬚᬭᬓᬦ᭄ᬧᬸᬢ᭄ᬭᬶ᭞ᬭᬶᬂᬮᭀᬃᬢᬸᬳᬸ᭞ᬧᬋᬂᬓᬦ᭄ᬤ᭄ᬬᬄᬓᬸᬲᬸᬫᬶᬢ᭟ᬧᬋᬂᬮᬦ᭄
ᬤ᭄ᬬᬄᬓᬸᬲᬸᬫᬵᬃᬣ᭞ᬩᬮᬾᬯᬾᬢᬦ᭄ᬯᬃᬡ᭄ᬦᬄᬦᬾᬓᬶ᭞ᬧᬋᬂᬮᬦ᭄ᬤᬾᬯᬶᬯᬶᬱᬵᬃᬱ᭞ᬳᬳᬼᬢ᭄ᬧᬕᭂᬃᬲᬓᭂᬮᬶᬃ᭞ᬮᬦ᭄ᬤ᭄ᬬᬄᬯᬶᬱᬵᬃᬱᬫᬮᬶᬄ᭞ᬯᬸᬲ᭄ᬧᭂᬃᬡ᭄ᬦᬄᬭᭀᬯᬗᬾᬢᬸᬭᬸ᭞
ᬧᬸᬦ᭄ᬭᬵᬗ᭄ᬕᬫᬢᬸᬃᬳᬾᬗ᭄ᬕᬮ᭄᭞ᬲᬳᬵᬲᭂᬫ᭄ᬩᬄᬭᬶᬂᬧᬜ᭄ᬚᬶ᭞ᬳᬶᬗ᭄ᬕᬶᬄᬭᬢᬸ᭞ᬧᬭᬤ᭄ᬬᬄᬯᬸᬲᬦᬾᬂᬢᬶᬮᬫ᭄᭟ᬧᬸᬦ᭄ᬭᬗ᭄ᬕᬦᬩ᭄ᬥᬩ᭄ᬳᬢᬸᬭᬦ᭄᭞ᬯᬸᬲᬢᬢᬫᬸᬦ᭄ᬤᬸᬢ᭄ᬫᬭᬶᬂ᭞ᬲᬶᬭ
ᬤᬾᬯᬶᬦᬯᬂᬉᬮᬦ᭄᭞ᬳᬦᬫ᭄ᬧᬯ᭄ᬯᭀᬂᬤᬕᬶᬂᬧᬹᬭᬶ᭞ᬫᭂᬦ᭄ᬥᭂᬓ᭄ᬭᬶᬂᬦᬢᬃᬳᬮᬶᬗ᭄ᬕᬶᬄ᭞ᬧᬸᬦ᭄ᬭᬗ᭄ᬕᬵᬗᬸᬘᬧ᭄ᬧᬸᬓᬸᬮᬸᬦ᭄᭞ᬢᭂᬥᬦᭂᬦ᭄ᬯᭀᬂᬧᬓᬦᬶᬭᬵ᭞ᬩᬋᬂᬅᬃᬣᬮᬶ
Page:Bali-lontar-paparikan-malat-01-550ppi.pdf/53
This page has been proofread.
