[᭖᭘ 68B]
᭖᭘
ᬢ᭄᭞ᬢ᭄ᬯᬶᬤᬾᬯᬶᬭᬕᬓᬃᬡ᭄ᬦᬫᬗᬸᬦ᭄ᬓᬸᬂ᭞ᬰ᭄ᬭᬷᬭᬦ᭄ᬢᬦᬚᬳᬗᬸᬘᬧ᭄᭞ᬫᬦᬶᬲ᭄ᬳᬮᭀᬦ᭄ᬲᭂᬫᬸᬫᬶᬗᬶᬲ᭄᭟ᬢᬗᬦᬶᬭᬳᬕᬸᬳᬸᬃᬯᬦ᭄᭞ᬫᬗ᭄ᬓᬾ
ᬳᬶᬗ᭄ᬲᬸᬦ᭄ᬫᬗᬸᬭᬸᬓ᭄ᬢᬲᬶᬭᬦᬶᬦᬶ᭞ᬳᬗᬚᬃᬭᬶᬂᬩᬮᬾᬓᬶᬥᬸᬮ᭄᭞ᬧᬓᬮᬶᬳᬦ᭄ᬳᬸᬕᬸᬦ᭄ᬢᬂ᭞ᬳᬧᬦ᭄ᬫᬗ᭄ᬓᬾᬳᬶᬗ᭄ᬲᬸᬦ᭄ᬮᬸᬫᬩᬸᬳᬦ᭄ᬢᬸᬭᬸ᭞ᬯᬢᭂᬓ᭄ᬧᬸ
ᬢ᭄ᬭᬶᬫᬓᬩᬾᬳᬦ᭄᭞ᬫᭂᬦᭂᬂᬲᬫᬵᬦ᭄ᬤᬢᬦ᭄ᬫᬸᬦᬶ᭟ᬰ᭄ᬭᬷᬫᬮᬬᬹᬫᭂᬋᬫ᭄ᬫᭂᬋᬫᬦ᭄᭞ᬢᬦ᭄ᬤᬸᬫᬤᬾᬲᬵᬫ᭄ᬧᬸᬦ᭄ᬲᬶᬭᬳᬕᬸᬮᬶᬂ᭞ᬭᬤᬾᬦ᭄ᬲᭂᬦᭂᬢᬦ᭄
ᬫᬢᬩᬸᬄ᭞ᬤᬶᬩᬜ᭄ᬘᬶᬗᬄᬫᬕᬫ᭄ᬩᭂᬮᬦ᭄᭞ᬳᬚᬓ᭄ᬤᬤ᭄ᬯᬵ᭞ᬳᬶᬓ᭄ᬩᭀᬓᬢ᭄ᬭᬗᬦ᭄ᬤᬸᬮᬸᬃ᭞ᬓᬮᬶᬄᬳᬶᬕᬚᬄᬦ᭄ᬯᬶᬦ᭄ᬥᬵ᭞ᬩᬋᬂᬜᬫᬳᬶᬬᬫᬕᭂᬦ᭄ᬥᬶᬂ᭟ᬧ
[᭖᭙ 69A]
ᬥᬧᬾᬦ᭄ᬢᭂᬃᬲᬸᬩᬩ᭄ᬬᬱᬵ᭞ᬭᬾᬄᬲᭀᬢᬦᬶᬂᬧᭂᬢᭂᬂᬍᬫᬄᬳ᭄ᬬᬫᬸᬭᬸᬓᬶᬦ᭄᭞ᬲᬯᬢᬭᬯᬾᬦ᭄ᬢᭂᬦ᭄ᬲᬢᬸᬲ᭄᭞ᬭᭀᬩᬦ᭄ᬲᬫᬶᬫᬲᭂᬓᭀᬮᬄ᭞ᬢ᭄ᬯᬶᬫᬲᭂᬮᬶᬃ᭞
ᬲᬦᬾᬧᬦ᭄ᬢᭂᬲ᭄ᬩᬚᬂᬩᬕᬸᬲ᭄᭞ᬭᭀᬩᬦᬾᬲᬓᬶᬂᬫᬫᭂᬦᬂ᭞ᬳᬾᬗ᭄ᬕᬮ᭄ᬫᬶᬗᭂᬃᬫᬶᬥᭂᬧ᭄ᬫᬗ᭄ᬓᬶᬦ᭄᭟ᬢᬦᬸᬘᬧᬦ᭄ᬧᬭᬧᬸᬢ᭄ᬭᬶᬬᬵ᭞ᬲᬦᬾᬫᬸᬭᬸᬓ᭄ᬫᬕᭂᬦ᭄ᬥᬶᬂᬭᬶᬂᬢᭀᬄ
ᬧᬢᬶ᭞ᬲᬶᬭᬧᬜ᭄ᬚᬶᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬲᬵᬫ᭄ᬧᬸᬦ᭄ᬫᬦ᭄ᬢᬸᬓ᭄ᬓᬚ᭄ᬭᭀᬧᬹᬭᬵ᭞ᬮᬦ᭄ᬢᬲ᭄ᬗᭀᬚᭀᬕ᭄ᬓᬧᬫᬺᬫᬦ᭄ᬩᬮᬾᬫᬸᬚᬸᬃ᭞ᬓᬧᬗ᭄ᬕᬶᬄᬤ᭄ᬬᬄᬦᬯᬂᬘᬦ᭄ᬤ᭄ᬭᬵ᭞ᬲᬵᬫ᭄ᬧᬸᬦ᭄ᬫᭂ
ᬲᬾᬄᬫᬫ᭄ᬩᬸᬫᬶᬳᬶᬓ᭄᭟ᬦᬵᬗ᭄ᬳᬶᬂᬤᬸᬭᬸᬂᬫᬗᬚᭂᬗᬂ᭞ᬓᬢᬸᬗ᭄ᬓᬸᬮᬦ᭄ᬲ᭄ᬥᬶᬄᬲᬶᬕ᭄ᬲᬶᬕᬦ᭄ᬫᬗᭂᬮᬶᬂ᭞ᬫᬫᬗᭂᬦᬂᬬᬬᬄᬳᬶᬩᬸ᭞ᬲᬧᬜ᭄ᬚᬶᬜᬦ᭄ᬥᬶᬂᬦᭂᬕᬓ᭄᭞
Page:Bali-lontar-paparikan-malat-01-550ppi.pdf/69
This page has been proofread.
