[᭘᭕ 85B]
᭘᭕
ᬤᬃᬧ᭄ᬧᬫᬹᬃᬢ᭄ᬢᬶ᭞ᬳᭂᬦ᭄ᬢᬶᬳᬃᬱᬦᬶᬂᬯ᭄ᬯᬂ᭞ᬳᬸᬫᬸᬮᬢᬶᬲᬂᬓᬃᬯᬵ᭞ᬳᬦᭂᬫ᭄ᬩᬄᬭᬶᬚᭂᬂᬦᬺᬧᬢᬶ᭞ᬢᬸᬫᬸᬮᬶᬫ᭄ᬩᬵ᭞ᬰ᭄ᬭᬷᬕᬕᭂᬮᬂᬢᬶᬦᬗ᭄ᬓᬶᬮ᭄᭟ᬓᬂᬩᬮᬵᬲᬵᬫ᭄ᬧᬸ
ᬦᬵᬤᬦ᭄ᬳᬗ᭄ᬭᬗ᭄ᬲᬸᬓ᭄ᬧᬬᬲ᭄᭞ᬯᬸᬲ᭄ᬢ᭄ᬭᬤᬲ᭄ᬢᬃᬓᬸᬮᬫ᭄ᬩᬶ᭞ᬲᬫᬵᬗᬗ᭄ᬕᭀᬫᬵᬲ᭄᭞ᬮᬦ᭄ᬲᬶᬭᬕᬚᬄᬦ᭄ᬯᬶᬦ᭄ᬤᬵ᭞ᬧᬋᬂᬮᬯᬦ᭄ᬲᬶᬭ᭞ᬬᬬᬶᬦᬶᬭᬳᬯ
ᬲ᭄ᬢ᭄ᬭᬵ᭞ᬲᬸᬢ᭄ᬭᬲᭀᬗ᭄ᬓᬾᬢ᭄ᬡᬶᬦᬯᬶ᭟ᬭᬤᭂᬦᬵᬮᬸᬯᬸᬲ᭄ᬧᬸᬧᬸᬢ᭄ᬗ᭄ᬭᬗ᭄ᬲᬸᬓ᭄ᬪᬹᬱᬡ᭞ᬯᬲ᭄ᬢ᭄ᬭᬕ᭄ᬭᬶᬗ᭄ᬲᬶᬂᬓᬭᬶᬢᬶᬲ᭄᭞ᬯᬶᬯᬳᬵᬲᬶᬦᬸᬭᬢ᭄᭞ᬧᬧᬢ᭄ᬭ
ᬦ᭄ᬓᬦᬓᬵ᭞ᬫᬘᭂᬫ᭄ᬩᬭᬸᬲᬫᬶᬫᬵᬗ᭄ᬕᬶᬢ᭄᭞ᬫᬭᬸᬫ᭄ᬩᬶᬂᬩ᭄ᬭᬳ᭄ᬫᬵᬯᬶᬱ᭄ᬡᬸᬳᬶᬦᬸᬓᬶᬃ᭟ᬢᬸᬃᬫᬕᭂᬮᬂᬓᬦᬩᭂᬓ᭄ᬩᬳᬦ᭄ᬲᬲᭀᬘᬦ᭄᭞
[᭘᭖ 86A]
ᬫᬗᬗ᭄ᬕᭀᬩᬶᬦ᭄ᬢᬂᬳᬤ᭄ᬭᬶ᭞ᬢᬢᭂᬩᬸᬲ᭄ᬢ᭄ᬭᬶᬚᬢᬵ᭞ᬓᬯᬘᬮᬓᬶᬦ᭄ᬭᬓ᭄ᬢᬵ᭞ᬫᬸᬭᬸᬩ᭄ᬫᬲᭀᬘᬩᬵᬦ᭄ᬩᬗ᭄ᬲᬶᬂ᭞ᬮᬦ᭄ᬭᬢ᭄ᬦᬦᬶᬮᬵ᭞ᬫᬓᬤᬶᬯᬶᬦ᭄ᬢᭂᬦ᭄ᬯᬶ
ᬮᬶᬲ᭄᭟ᬢᬸᬃᬫᬩᬸᬗ᭄ᬓᬸᬂᬫᬫᬢᬩᬵᬦ᭄ᬫᬶᬱᬲᭀᬥ᭞ᬲᭂᬓᬃᬧᬸᬘᬸᬓ᭄ᬩᬵᬂᬳᬓᬢᬶᬄ᭞ᬩᬭᬓ᭄ᬳᬩᬃᬳᬩᬃ᭞ᬧᬢᬶᬢᬶᬲ᭄ᬘᬘᬯ᭄ᬬᬦ᭄᭞ᬕ᭄ᬭᬸ
ᬥᬫᬸᬗ᭄ᬓᬸᬭᬾᬫᬦᭂᬮᬶᬓ᭄᭞ᬫᬫᬢᬫᬶᬭᬄ᭞ᬯᬃᬡ᭄ᬦᬳᬤ᭄ᬭᬵᬩᬕᬸᬲ᭄ᬢᬶᬗ᭄ᬕᬶ᭟ᬩᬳᬸᬓᭀᬤᬮ᭄ᬲᬂᬧ᭄ᬭᬪᬹᬧᬧᬕ᭄ᬫᬺᬥᬗ᭄ᬕᬵ᭞ᬢᬢᬩᬸᬳ
ᬦ᭄ᬗᭂᬫ᭄ᬧᭂᬓᬶᬦ᭄᭞ᬳᬯᬸᬲ᭄ᬫᬸᬗ᭄ᬕᬄᬭᬶᬂᬕᬚᬄ᭞ᬧᭂᬧ᭄ᬓ᭄ᬗᬗ᭄ᬕᭀᬓᬭᬢ᭄ᬯᬦ᭄᭞ᬓᬯᬘᬩᬵᬦ᭄ᬯᬶᬦ᭄ᬢᭂᬦ᭄ᬗᭂᬦ᭄ᬤᬶᬄ᭞ᬕᬮᬂᬤᬸᬫᬶᬮᬄ᭞ᬗᭂᬩᭂᬓᬶᬦ᭄
Page:Bali-lontar-paparikan-malat-01-550ppi.pdf/86
This page has been proofread.
