[᭖᭔ 64B]
᭖᭔
᭞ᬩᬶᬱᬗᬬᬸᬄ᭞ᬫᬦᬸᬭᬂᬳᬯᬓ᭄ᬓᬮᬄ᭟᭓᭘᭙᭟ᬳᬗᭀᬩ᭄ᬧᬶᬲᬦ᭄ᬫᬫᬶᬦᭂᬳᬂ᭞ᬳᬶᬥᭂᬧ᭄ᬜᬦᬾᬲᬂᬤᬹᬃᬩᬸᬤ᭄ᬥᬶ᭞ᬧ᭄ᬭᬚ᭄ᬜᬦ᭄ᬲᬾᬗᭂᬄᬢ᭄ᬓᬾᬦ᭄ᬥᬵᬬ᭞ᬤᬸᬱ᭄ᬝᬘᭀᬭᬄᬤᬤᬶᬳᬶᬮᬶᬤ᭄᭞ᬩᬦ᭄ᬤᬸᬯᭂᬕᬾᬫᬜᬧᬸᬢᬶᬦ᭄᭞ᬲᭀᬮᬄᬳᬮ
ᬦᬾᬓᬢᬸᬢᬸᬧ᭄᭞ᬓᬤᬶᬕ᭄ᬦᬶᬦ᭄ᬳᬶᬢᬩᬸᬦᬦ᭄᭞ᬢ᭄ᬯᬭᬓᬤᬾᬦ᭄ᬫᬫᬸᬳᬸᬦᬶᬦ᭄᭞ᬤᬤᬶᬫᬸᬭᬸᬩ᭄ᬓᬾᬯᬮᬗᬦ᭄ᬢᬶᬧᬗᬸᬫ᭄ᬧᬦ᭄᭟᭓᭙᭐᭟ᬩᬧᬳᬗᭀᬩ᭄ᬫᬗᭂᬦᭂᬳᬦ᭄᭞ᬤᬶᬦᬶᬤᬶᬕᬸᬫᬶᬦᬾᬚᬦᬶ᭞ᬜᬮᬦᬂᬲᬥᬸᬲᬚ᭄ᬚᬦ᭞ᬧ
ᬥᬳᬾᬭᬂᬫᬗ᭄ᬮᬓᭀᬦᬶᬦ᭄᭞ᬤᬳᬢᬼᬓ᭄ᬓᬓᬦ᭄ᬢᭂᬦᬶᬦ᭄᭞ᬩᬲ᭄ᬲᬗᭂᬢ᭄ᬗᭂᬢᬸᬢ᭄ᬳᬬᬸ᭞ᬳᬶᬥᬸᬃᬚ᭄ᬚᬦᬵᬫᬗᬸᬘᬧᬂ᭞ᬳᭂᬦ᭄ᬢᭀᬳᬦᬓ᭄ᬤ᭄ᬫᭂᬦ᭄ᬧᬹᬚᬶ᭞ᬲ᭄ᬯᬃᬕ᭄ᬕᬢ᭄ᬧᬸᬓ᭄ᬦᬵᬗᬶᬂᬲᬳᬶᬗᬩᬓᭀᬘᬧ᭄᭟᭓᭙᭑᭟ᬳᬶᬤᬹᬃᬚ᭄ᬚᬦᬬᬦ᭄ᬗᬦ᭄ᬢᭂᬦᬂ᭞ᬳᬶ
ᬯᬂᬲᬂᬲᬥᬸᬳᬓᬶᬥᬶᬓ᭄᭞ᬳᬸᬧᬫᬶᬩᬦ᭄ᬢᬲ᭄ᬳᬫᭂᬤᬂ᭞ᬢ᭄ᬓᬢᬶᬗ᭄ᬮᬶᬲ᭄ᬓᬢᬶᬗ᭄ᬳᬮᬶᬦ᭄᭞ᬳᭂᬦ᭄ᬢᭀᬢ᭄ᬯᬭᬓᬳᭂᬗ᭄ᬲᬧᬶᬦ᭄᭞ᬦᬗᬶᬂᬬᬦ᭄ᬤᬾᬯᬾᬓ᭄ᬦᬾᬲᬶᬕᬸᬕ᭄᭞ᬕ᭄ᬤᬾᬕ᭄ᬤᬾᬗ᭄ᬮᬄᬤᭀᬱ᭞ᬲᬶᬦᬄᬢ᭄ᬯᬭᬓᬓ᭄ᬦᭂᬳᬶᬦ᭄᭞ᬢᭀᬂᬓᬭᬸᬗᬹᬫᬧᬶᬫᬧᬶᬢ᭄ᬯ
[᭖᭕ 65A]
ᬭᬦᬯᬂ᭟᭓᭙᭒᭟ᬲᬂᬲᬸᬚᬦᬵᬫᬉᬢ᭄ᬢᬫ᭞ᬭᬶᬂᬧᬡ᭄ᬥᬶᬢᬤᬳᬢ᭄ᬪᬓ᭄ᬢᬶ᭞ᬳᬶᬤᬹᬃᬚ᭄ᬚᬦᬵᬢ᭄ᬯᬭᬓᬾᬢᭀ᭞ᬮᬶᬯᬢ᭄ᬓᬾᬯᭂᬄᬫᬗᭂᬦᭀᬢᬶᬦ᭄᭞ᬲᬂᬧᬡ᭄ᬥᬶᬢᬤᬳᬢᬼᬯᬶᬄ᭞ᬬᬦ᭄ᬲᬶᬤ᭄ᬥᬩᬦ᭄ᬫᬗ᭄ᬤᬳᬸᬯᬸᬕ᭄᭞ᬳᬲᬶᬂᬳᬲᬶᬂᬫᬵᬫ᭄ᬩᭂᬓ᭄ᬥᬃᬫ᭄ᬫ᭞
ᬧᬕᭂᬄᬧᬸᬭᬸᬱᬓᬪᬓ᭄ᬢᬶ᭞ᬳᬘᭂᬧ᭄ᬳᬶᬧᬸᬦ᭄ᬕᬸᬫᬶᬦᬾᬳᬧᬂᬕᭂᬫ᭄ᬩᬸᬭ᭟᭓᭙᭓᭟ᬓᬢ᭄ᬫᬢ᭄ᬯᬦ᭄ᬳᬶᬫᬸᬤᬵᬢᬸᬢᬸᬭᬂ᭞ᬬᬦᬶᬂᬳᬤᬳᬦᬓ᭄ᬲᬸᬕᬶᬄ᭞ᬢ᭄ᬯᬭᬫᬜᬮᬦᬂᬧᬹᬡ᭄ᬬ᭞ᬩ᭄ᬯᬶᬦ᭄ᬳᬦᬓ᭄ᬢᬶᬯᬲ᭄ᬚᬤᬶᬕ᭄᭞ᬜᬮᬦᬂᬳᬗ᭄ᬓᬭᬩᬸᬤ᭄ᬥᬶ᭞ᬩ᭄ᬯᬶᬦ᭄ᬳ
ᬤᬚᬦ᭄ᬫᬢᬸᬫ᭄ᬩᬸᬄ᭞ᬢ᭄ᬯᬭᬤ᭄ᬫᭂᬦ᭄ᬢ᭄ᬓᬾᬦ᭄ᬰᬲ᭄ᬢ᭄ᬭ᭞ᬫᬓᬢ᭄ᬮᬸᬫᬸᬤᬚᬵᬢᬶ᭞ᬢ᭄ᬯᬭᬩᬸᬳᬸᬂᬫᬦᬸᬫᬶᬢᬶᬲ᭄ᬤᬤᬶᬢᬶᬃᬬ᭄ᬬᬓ᭄᭟᭓᭙᭔᭟ᬳᬤᬳᬦᬓ᭄ᬓᬺᬂᬫᬜᬘᬤ᭄᭞ᬫ᭄ᬯᬄᬧᬢᬶᬓ᭄ᬭᭀᬥᬓ᭄ᬭᭀᬥᬳᬶᬦ᭄᭞ᬳᬲᬶᬂᬲᭀᬮᬄᬫᬸᬜᬶᬦ᭄ᬳᬦᬓ᭄᭞ᬓ
ᬭᬯᭀᬲᬂᬩᬶᬕ᭄ᬩᬶᬕ᭄ᬲᬵᬳᬶ᭞ᬩ᭄ᬯᬶᬦ᭄ᬳᬦᬓ᭄ᬫᬗ᭄ᬭᭀᬥᬳᬶᬦ᭄᭞ᬦᬾᬦᬾᬢ᭄ᬯᬭᬲᬶᬤ᭄ᬥᬳᬦ᭄ᬢᬸᬓ᭄᭞ᬫᬦᬶᬢᬄᬧᬘᬂᬗ᭄ᬭᬸᬲᬓ᭄᭞ᬳᭂᬦ᭄ᬢᭀᬫᬤᬦ᭄ᬫᬸᬤᬚᬢᬶ᭞ᬚᬤ᭄ᬫᬲᬶᬕᬸᬕ᭄᭞ᬢ᭄ᬯᬭᬫᬢᬶᬍᬲᬂᬳᬯᬵᬓ᭄᭟᭓᭙᭕᭟ᬤᬾᬦᬶᬂᬳᬶᬧ
Page:Bali-lontar-paparikan-sarasamuscaya-300ppi.pdf/65
This page has been proofread.
