[᭖᭕ 65B]
᭖᭕
ᬧᬤᬹᬃᬚ᭄ᬚᬦ᭞ᬬᬦᬶᬂᬩᬳᬂᬫᬸᬜᬶᬫᬦᬶᬲ᭄᭞ᬲᬃᬯ᭄ᬯᬢᬸᬢᬸᬃᬫᬉᬢ᭄ᬢᬫ᭞ᬳᬤᭀᬄᬧᬭᬳᬶᬧᬸᬦ᭄ᬳᬾᬮᬶᬂ᭞ᬯᬶᬭᬾᬄᬲᬲᬃᬲᭀᬮᬄᬩᬸᬤ᭄ᬥᬶ᭞ᬤᬶᬓᬧᬦ᭄ᬧᬘᬂᬓᬭᬸᬗᬸ᭞ᬳᬸᬧᬫᬶᬬᬂᬓᬤᬶᬳ᭄ᬫᬵᬲ᭄᭞ᬲᬶᬦᬄᬓᬮᬄᬩᬳᬦ᭄ᬳᭂᬫᬶᬲ᭄᭞ᬳᬓᬄᬤᬯᬸᬦ᭄ᬫ
ᬓ᭄ᬭᬡᬦ᭄ᬳ᭄ᬫᬵᬲᬾᬳᬶᬮᬂ᭟᭓᭙᭖᭟ᬇᬢᬦ᭄ᬲᬥᬸᬫᬫ᭄ᬯᬢᬂ᭞ᬭᬶᬂᬲᬂᬲᬥᬸᬧ᭄ᬭᬬᬦᬗ᭄ᬓᬶᬮ᭄᭞ᬦᬸᬦᬲ᭄ᬢᬢ᭄ᬯᬥ᭄ᬬᬢ᭄ᬫᬶᬓᬵ᭞ᬲᬂᬲᬥᬸᬳᬕᬾᬦᬸᬢᬸᬭᬶᬦ᭄᭞ᬢᬸᬢᬸᬃᬲᬵᬃᬯ᭄ᬯᬍᬯᬶᬄ᭞ᬳᬓ᭄ᬯᬾᬄᬓᬫ᭄ᬤᬮᬂᬲᬵᬫ᭄ᬧᬸᬦ᭄᭞ᬳᬶᬢᬦ᭄ᬲᬥᬸᬢ᭄ᬯᬭᬮᬶᬬᬂ᭞ᬓ
ᬭᬯᭀᬲᬂᬢᬸᬦᬓᬭᬶ᭞ᬫᬗᬭᬸᬫᬸᬦ᭄ᬤᬾᬦᬶᬂᬳᬶᬥᭂᬧ᭄ᬫᬸᬮᬕᬯᬂ᭟᭓᭙᭗᭟ᬬᬦ᭄ᬲᬂᬲᬚᬓᬧᬵᬡ᭄ᬥᬶᬢᬦ᭄᭞ᬫ᭄ᬬᬃᬰᬉᬚᬃᬓᬯᭀᬦ᭄ᬩ᭄ᬘᬶᬓ᭄᭞ᬲᬸᬩᬲᬶᬦᬄᬫᬸᬜᬶᬤᬤ᭄ᬯ᭞ᬓᬋᬗᬵᬢᭀᬯᬄᬳᬩ᭄ᬲᬶᬓ᭄᭞ᬫᬸᬜᬶᬳᬬᬸᬓᬳᬲ᭄ᬢᬶᬢᬶ᭞ᬓ
ᬲᬶᬫ᭄ᬧᭂᬦ᭄ᬲᬚ᭄ᬭᭀᬦᬶᬂᬓᬳ᭄ᬬᬸᬦ᭄᭞ᬫᬸᬜᬶᬳᬮᬵᬦᬾᬓᬓᬸᬢᬂᬓᬤᬶᬳᬗ᭄ᬲᬵᬩᬾᬩᬾᬓ᭄ᬫᭂᬲᬶᬓ᭄᭞ᬜᭀᬮ᭄ᬲᭀᬮ᭄ᬳᭂᬦ᭄ᬤᬸᬢ᭄᭞ᬫᬺᬢᬩᬓᬢ᭄ᬯᬶᬱ᭄ᬬᬓᬸᬢᬂ᭞ᬬᬦ᭄ᬲᬚᬲᬥᬸᬉᬢ᭄ᬢᬫ᭞ᬧᬶᬢ᭄ᬯᬶᬦ᭄ᬳᬶᬤᬳᬢᬸᬭᬶᬦ᭄᭞ᬲᬵᬳᭂᬯᬮᬵᬓ᭄ᬱᬡ
[᭖᭖ 66A]
ᬦ᭄ᬦᬾᬓᬯᭀᬦ᭄᭞ᬳᬤᭀᬄᬧᬭᬓᬢᬶᬦᬸᬢᬶᬦ᭄᭞ᬦᬗ᭄ᬳᬶᬂᬳᬶᬤᬹᬃᬚ᭄ᬚᬦᬩᬸᬤ᭄ᬥᬶ᭞ᬧᬶᬢᭂᬢᬶᬦ᭄ᬳᭂᬘ᭄ᬙᬾᬦ᭄ᬧᬶᬢᬸᬢᬸᬃᬫ᭄ᬳᬧᬂᬗ᭄ᬤᬗᬭᬸᬗᬸᬳᬂ᭞ᬲᬃᬯ᭄ᬯᬲᭀᬮᬄᬳᬶᬥᭂᬧ᭄ᬫᬸᬜᬶᬦᬾᬦᬾᬍᬢᬸᬄ᭞ᬫᬸᬮᬤ᭄ᬫᭂᬦ᭄ᬫᬜᬮᬦᬂ᭟᭓᭙᭙᭟ᬧᬶᬢ᭄ᬯᬶᬦᬾᬲᬸᬩᬧ᭄ᬭᬚ᭄ᬜᬦ᭄᭞ᬢᬢ
ᬲ᭄ᬭᬶᬂᬢᬢ᭄ᬯᬧᬗᬚᬶ᭞ᬬᬦ᭄ᬳᬶᬲᭀᬮᬄᬳ᭄ᬦᬸᬲᬲᬃ᭞ᬢᬦ᭄ᬧᬕᬸᬡᬲᬂᬳ᭄ᬬᬂᬗᬚᬶ᭞ᬯᬶᬭᬾᬄᬳᬶᬤᬲᬂᬳ᭄ᬬᬂᬗᬚᬶ᭞ᬫᬓᬲᬸᬦ᭄ᬤᬃᬲᭀᬮᬄᬳᬬᬸ᭞ᬩᬸᬓᬳ᭄ᬫᬲ᭄ᬧᬶᬧᬶᬲ᭄ᬲᭂᬧ᭄ᬮᬂ᭞ᬫᬕᭀᬩᬦᬶᬕᬯᬾᬲᬫᬶ᭞ᬕᬸᬡᬦ᭄ᬳᬶᬧᬸᬦ᭄ᬉᬢ᭄ᬢᬫᬤᬶᬦᬵᬤᬦᬵᬧᬹᬡ᭄ᬬ᭟᭔᭐᭐
᭟ᬚᬦ᭄ᬫᬢᬶᬯᬲᬼᬓᬶᬤ᭄ᬧᬶᬲᬦ᭄᭞ᬳᭂᬦ᭄ᬢᭀᬢᬶᬯᬲ᭄ᬢᬦ᭄ᬧᬓᬾᬃᬣᬶ᭞ᬤᬤᬶᬉᬭᬶᬧᬾᬓᬦᬶᬃᬤ᭄ᬥᭀᬦ᭄᭞ᬩ᭄ᬯᬶᬦ᭄ᬳᬤᬳᬦᬓ᭄ᬰᬓ᭄ᬢᬶ᭞ᬫᬮᬦ᭄ᬜᬦᬾᬢᬦᬶᬓᬶᬓᬶᬢ᭄᭞ᬦᬶᬃᬕᬯᬾᬳᬶᬰᬓ᭄ᬢᬶᬓᬲᬸᬩ᭄᭞ᬤᬾᬦᬶᬂᬲᬂᬰᬥᬸᬳᬶᬦᬸᬘᬧ᭄᭞ᬧᬓ᭄ᬫᬶᬢ᭄ᬳᬶᬰᬓ᭄ᬢᬶᬍᬯᬶᬄ᭞ᬫ
ᬗ᭄ᬕᬸᬄᬳᬬᬸᬕᬸᬡᬦ᭄ᬜᬦᬾᬧᬢᬶᬢᬶᬲᬂ᭟᭔᭐᭑᭟ᬲᬂᬳ᭄ᬬᬂᬗᬚᬶᬫᬳᭀᬢ᭄ᬢᬫ᭞ᬬᬦ᭄ᬭᬶᬂᬤᬹᬃᬰᬶᬮᬫᬮᬶᬗ᭄ᬕᬸᬄ᭞ᬲᬶᬦᬄᬲᬸᬩᬲᬮᬄᬗ᭄ᬕᬾᬦ᭄᭞ᬤᬶᬚᬵᬗᬮᬶᬄᬲᬸᬘᬶᬳ᭄ᬦᬶᬂ᭞ᬧᬯᬶᬢ᭄ᬭᬦ᭄ᬳᬶᬢᬶᬃᬣᬍᬯᬶᬄ᭞ᬕ᭄ᬦᬳᬂᬤᬶᬢᬸᬤᬶᬓ᭄ᬮᬸᬓᬸᬄ᭞ᬢᬸᬃᬓ᭄ᬮᬸᬓᬸᬄᬳᬚᬶ
Page:Bali-lontar-paparikan-sarasamuscaya-300ppi.pdf/66
This page has been proofread.
