[᭒᭐ 20B]
᭒᭐
ᬯᬄᬫᬳᬵᬓᬮᬫᬮᬶᬄ᭞ᬧᬗᭂᬫᬶᬢ᭄ᬳᬶᬤᬪᬝᬵᬭᬳ᭄ᬬᬂᬖᬶᬭᬶᬧᬢᬶ᭟ᬯᬢᭂ᭠ᬓ᭄ᬤᬾᬯᬢᬲᬫᬶᬫᭀᬫᭀᬳᬗ᭄ᬕᬓᬭ᭞ᬧᬶᬲᬭᬢ᭄ᬗ᭄ᬕᭀᬤᬦᬾᬫᬗ᭄ᬓᬶᬦ᭄᭞ᬢᬦ᭄ᬫᬤᬾᬯ᭄ᬯ
ᬧᬹᬚᬵ᭞ᬫᬯᬶᬦᬦ᭄ᬫᬗ᭄ᬕᬶᬄᬲᬗ᭄ᬓᬮ᭞ᬲᬳᬦᬦᬶᬂᬲᬧ᭄ᬢᬋᬱᬶ᭞ᬫ᭄ᬩᬯᭀᬲ᭄ᬫ᭄ᬩᬯᭀ᭠ᬲᬂ᭞ᬫᬓᬤᬶᬳ᭄ᬬᬂᬯᬺᬳᬲ᭄ᬧᬢᬶ᭟ᬳᬸᬦᬶᬂᬳᬶᬤᬭᬶᬂᬦᬾᬗᬯᬶᬦᬂᬧᬸᬦᬶᬓ᭞ᬕᭂᬮᬶᬲ᭄ᬗᭀᬜ᭄ᬘᬃ
ᬫᬦ᭄ᬢ᭄ᬭᬲᬶᬥᬶ᭞ᬓᭂᬭᬸᬕ᭄ᬫᬶᬯᬄᬳᬸᬚᬦ᭄᭞ᬳᬚᬳᬦ᭄ᬲᬫ᭄ᬧᬸᬦ᭄ᬳᬶᬘᬮ᭄᭞ᬕᬮᬂᬚᬕᬢᬾᬦᬾᬫᬗ᭄ᬓᬶᬦ᭄᭞ᬗᭂᬦᬄᬭᬓ᭄ᬱᬲ᭞ᬓᬤᬶᬓᬮᬦ᭄ᬢᬓᬓᬳᬓ᭄ᬱᬶ᭟ᬲᬫᬶᬧᬥᬗᬕᭂᬫ᭄
ᬕᬥᬓᬳᬸᬬᭂᬗᬂ᭞ᬲᬂᬲᬧ᭄ᬢᬋᬱᬶᬫᬗ᭄ᬓᬶᬦ᭄᭞ᬗᬓ᭄ᬱᬫᬩᬳᬦ᭄ᬫᬦ᭄ᬢ᭄ᬭ᭞ᬗᬲ᭄ᬢᬯᬲᬗ᭄ᬳ᭄ᬬᬂᬰᬶᬯ᭞ᬓᬤᬶᬧᬗᬲ᭄ᬢᬯᬭᬶᬳᬶᬦ᭄᭞ᬦᬾᬓᬲᬭᬢᬂ᭞ᬫᬗ᭄ᬤᬾᬦ᭄ᬲᬶᬤᬫᬗ᭄ᬕᬶᬄᬩᭂᬘᬶᬓ᭄᭟
[᭒᭑ 21A]
᭒᭑
ᬲᬫ᭄ᬧᬸᬦ᭄ᬍᬕᬵᬲᬂᬤᬳᬶᬢ᭄ᬬᬲᬫᬶᬫᬜᬸᬫ᭄ᬩᬄ᭞ᬭᬭᬶᬲ᭄ᬓᬧᬶᬢᬸᬢᬸᬭᬶᬦ᭄᭞ᬳᬦ᭄ᬢᬸᬓ᭄ᬓᬃᬬ᭄ᬬᬦ᭄ᬳᬶᬤ᭞ᬳᬯᬶᬦᬦ᭄ᬭᬯᬸᬄᬫᬗ᭄ᬕᭀᬤ᭞ᬫᬶᬲᬤᬶᬬᬜᬭᬢᬂᬩᭂᬘᬶᬓ᭄᭞ᬭᬳᬬᬸᬦ᭄
ᬚᬕᬢ᭄᭞ᬲᬂᬤᬳᬶᬢ᭄ᬬᬫᬢᬶᬗ᭄ᬕᬮ᭄ᬭᬭᬶᬲ᭄᭟ᬮᬗ᭄ᬓᬸᬂᬮᬾᬤᬂᬳᬶᬤᬲᬂᬧᬭᬤᬾᬯᬢ᭞ᬲ᭠ᬫᬶᬫᬗᭀᬜ᭄ᬘᬭᬂᬫᬮᬶᬄ᭞ᬳᬢ᭄ᬫᬭᬓ᭄ᬱᬲᬸᬓ᭄ᬱ᭄ᬫ᭞ᬫᬶᬯᬄᬫᬺᬢ᭄ᬬᬸᬚᬶᬯ᭄ᬯ᭞ᬲᬗ᭄ᬳ᭄ᬬᬂᬲ᭄ᬫᬭᬮᬸᬗ᭄ᬳᬜᬶ᭠
ᬮᬶᬩ᭄᭞ᬦᬕᬓᬶᬦ᭄ᬤᭀᬓᬃ᭞ᬫᬾᬖᬧᬺᬯᬳᬯᬱ᭄ᬝᬦᬶᬦ᭄᭟ᬯᬢᭂᬓ᭄ᬤᬾᬯ᭄ᬯᬲᬫᬶᬳᬶᬤᬚᭀᬄᬫᬕᭂᬦᬄ᭞ᬫᬶᬯᬄᬲᬂᬧᬭᬋᬱᬶ᭞ᬲᬫᬶᬗᬯᬲ᭄ᬧᬥ᭞ᬓᬘᬶᬗᬓ᭄ᬳᬶᬤᬳ᭄ᬬᬂᬰᬶᬯ᭄ᬯ᭞ᬭᬶᬂᬩᬢ᭠
ᬦ᭄ᬜᬫ᭄ᬩᬸᬫᬮᬶᬗ᭄ᬕᬶᬄ᭞ᬲᭂᬤᭂᬓ᭄ᬗᬾᬜ᭄ᬘᭂᬧᬂ᭞ᬲᬸᬓ᭄ᬱ᭄ᬫᬚ᭄ᬜᬦᬮᬸᬯᬶᬄ᭟ᬫᭂᬕᭃᬂᬫᬫᬸᬱ᭄ᬝᬶᬢᬹᬃᬜᬶᬤᬓᭂ᭠ᬧᬂᬢᬗᬦ᭄᭞ᬲᬗ᭄ᬳ᭄ᬬᬂᬲ᭄ᬫᬭᬢᬦ᭄ᬕᭂᬮᬶᬲ᭄᭞ᬓᬦ᭄ᬤᭂᬕ᭄ᬳᬶᬤᬜᬶᬗᬓ᭄᭞ᬪᬓ᭄ᬢᬶᬭᬶᬂᬧᬓᬬᬸᬦᬦ᭄
