[᭒᭒ 22B]
᭒᭒
ᬘᬦᬶᬕᬭ᭞ᬢᬸᬢᬸᬧ᭄ᬕᭂᬮᬸᬂᬓᬧᬬᬲᬶᬦ᭄᭟ᬮᬦ᭄ᬩᬩᭀᬭᬾᬄᬳᬸᬧᬲ᭄ᬧᬦᬄᬫᬮᬶᬫ᭄ᬧᬸᬕᬦ᭄᭞ᬧᬜ᭄ᬘᬯᬶᬱᬬᬦᬾᬲᬫᬶ᭞ᬫᬶᬯᬄᬓᬳᬶᬦ᭄ᬤ᭄ᬭᬶᬬᬦ᭄᭞ᬮᬦ᭄ᬩᬬᬸᬧᬗ᭄ᬮᬶᬮᬶᬢᬦ᭄᭞
ᬳᬗ᭄ᬰᬦᬮᬦ᭄ᬭᬚᬢᬗᬶ᭞ᬮ᭄ᬯᬶᬃᬕᭂᬦᬶᬫᬸᬦ᭄ᬢᬩ᭄᭞ᬲᬫ᭄ᬧᬸᬦ᭄ᬓᬢᬶᬯᬓᬂᬲᬫᬶ᭟ᬓᭂᬦᬶᬭᬕᬦ᭄ᬳᬶᬤᬲᬗ᭄ᬳ᭄ᬬᬂᬦᬶᬮᬓᬡ᭄ᬝ᭞ᬭᬭᬶᬲ᭄ᬩᬄᬳᬶᬤᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬓᬲᬸᬲᬸᬧᬦ᭄᭞
ᬳᬦ᭄ᬢᬸᬓ᭄ᬲᬜ᭄ᬚᬢᬧᬗᬦ᭄᭞ᬭᬶᬂᬭᬕᬦᭂᬭᬸᬲ᭄ᬓᬳᬢᬶ᭞ᬭᬱᬢᬦ᭄ᬧᬵᬢ᭄ᬫ᭞ᬲ᭠ᬫ᭄ᬩ᭄ᬭᬄᬓᬬᬸᬦᬾᬧᬺᬫᬗ᭄ᬓᬶᬦ᭄᭟ᬍᬲᬸᬮᬾᬫ᭄ᬧᭀᬃᬓᬬᬸᬦ᭄ᬳᬶᬤᬦᬾᬓᬲ᭄ᬫᬭᬦ᭄᭞ᬓᭂᬦᬶᬧᬦᬄ
ᬮᬶᬦ᭄ᬢᬂᬫᬦ᭄ᬤᬶ᭞ᬭᬱᬭᬶᬂᬧᬢᬸᬭᬸᬳᬦ᭄᭞ᬲᬋᬂᬭᬶᬂᬤᬾᬯᬶᬉᬫ᭞ᬫᬗᬭᬲ᭄ᬲᬃᬯ᭄ᬯᬶᬫ᭠ᬗᬩᬶᬦ᭄᭞ᬓᬓ᭄ᬮᬾᬲᬦ᭄ᬲᬶᬜ᭄ᬚᬂ᭞ᬫᬓᭂᬲ᭄ᬬᬩ᭄ᬓᬬᬸᬦᬾᬫᬗ᭄ᬓᬶᬦ᭄᭟ᬤᭂᬓ᭄ᬤᭂᬓ᭄ᬋᬫᬸᬓ᭄ᬓᬮᬶ᭠
[᭒᭓ 23A]
᭒᭓
ᬧᬸᬢ᭄ᬩᬳᬦ᭄ᬓᬲ᭄ᬫᬭᬦ᭄᭞ᬢᬸᬭᬶᬥᬦᬾᬜᬸᬲᬸᬧᬶᬦ᭄᭞ᬭᬭᬶᬲ᭄ᬓᬘᬶᬗᬓᬦ᭄᭞ᬳ᭄ᬬᬂᬲ᭄ᬫᬭᬫᭂᬦ᭄ᬢᬂᬧᬦᬄ᭞ᬫᬶᬲᬤ᭄ᬬᬧᬘᬂᬫ᭄ᬩᬸᬕ᭄ᬩᬸᬕᬶᬦ᭄᭞ᬳᬶᬤᬳ᭄ᬬᬂᬰᬶᬯ᭄ᬯ᭞ᬓᬮᬶᬦ᭄ᬢᬂᬩᭂᬦ᭄ᬤᬸᬦᬾᬫᬗ᭄ᬓᬶᬦ᭄᭟
ᬓᭂᬩᬸᬲ᭄ᬩᬳᬂᬓᬬᬸᬦ᭄ᬳᬶᬤᬮᬶᬦ᭄ᬢᬂᬳᬾᬭᬂ᭞ᬫᬗ᭄ᬭᬭᬶᬲ᭄ᬳᬶᬤᬫᬗᬮᬶᬫᬶᬤ᭄᭞ᬳᬶᬩ᭠ᬲ᭄ᬫᬭᬦᬶᬲ᭄ᬢ᭞ᬢ᭄ᬯᬭᬫᬦᬯᬂᬢᬢ᭞ᬫᬗ᭄ᬕᬯᬾᬦᬂᬲᬓᬶᬢ᭄ᬳᬢᬶ᭞ᬫᬗᬤᬸᬓ᭄ᬬᬰ᭞ᬘᭀᬗᬄ
ᬳᬶᬩᬢᭂᬓᬾᬦ᭄ᬓᬳᬶ᭟ᬘᬗ᭄ᬓᬓ᭄ᬩᬺᬕᬄᬓᭂᬦᭂᬄᬳᬶᬩᬦᬾᬳᬗ᭄ᬓᬭ᭞ᬢ᭄ᬯᬭᬩᬶᬲᬲᬸᬪᬓ᭄ᬢᬶ᭞ᬢᬦ᭄ᬗᬗ᭄ᬕᭀᬦ᭄ᬲᬱᬡ᭞ᬢᬸᬯᬄᬳᬶᬩᬤᬾᬯᬦᬶᬲ᭄ᬢ᭞ᬗᬋᬕᭂᬤᬶᬦ᭄ᬢᬦᬄᬮᬗᬶᬢ᭄᭞ᬳᬦᬓ᭄
ᬫᬬᬰ᭞ᬢᭂᬓᭂᬳᬶᬩᬫᬗ᭄ᬭᬸᬲᬸᬳᬶᬦ᭄᭟ᬫᬸᬮᬢᬸᬯᬄᬳᬶᬩᬧᬜᭂᬗ᭄ᬓᬮᬦ᭄ᬓᬫᭀᬓ᭄ᬱᬦ᭄᭞ᬳᬗ᭄ᬓᬭᬮᬶᬯᬢ᭄ᬘᬸᬮᬶᬕ᭄᭞ᬲᭀᬮᬄᬳᬶᬩᬧᬂᬧᬂ᭞ᬲᬗᭂᬢ᭄ᬦᬕᬶᬄᬗᬮᬳᬂ᭞ᬲᬶᬂᬩᬸ᭠
