Page:Bali-lontar-paparikan-smaradahana-03-350ppi.pdf/3

This page has been proofread.

[᭒ 2B]
᭒
ᬳᬶᬤᬾᬯᬜᬓᬶᬢᬶᬦ᭄᭞ᬭᬶᬂᬩᬮᬾᬧᬓ᭄ᬭᬩ᭄‌‌ᬭᬯᬶᬢ᭄᭞ᬧᬦᬗ᭄ᬕᬸᬦ᭄ᬢᬢᬾᬭᬾᬓ᭄ᬳᬭᬹᬫ᭄᭞ᬫᬓᬧᬫᬦ᭄ᬤᭂᬫᬦ᭄‌‌ᬮᬶᬬᬢ᭄᭞ᬳᬜᭀᬮᭀᬂᬓᬮᬓᬳᬓ᭄ᬱᬶ᭞ᬧᬗᬜᬸᬤᬦ᭄
ᬧᬸᬢ᭄ᬭᬧᬸᬢ᭄ᬭᬬᬦ᭄‌‌ᬭᬶᬂᬧᬸᬥᬓ᭄᭟ᬫᬓᬤᬾᬯᬦ᭄ᬓᬮᬸᬮᬸᬢᬦ᭄᭞ᬗᬹᬮᬗᬸᬦᬶᬦ᭄‌‌ᬧᬲᬶᬃᬉᬓᬶᬭ᭄᭞ᬫ᭄ᬭᬕ᭄ᬕᬓᬶᬗ᭄ᬓᬶᬂᬭᬶᬂᬳᬫ᭄ᬩᬭ᭞ᬲᬸᬗ᭄ᬲᬸᬢ᭄ᬓᬲ᭄ᬫᬭᬦᬾᬫᬮᬶᬄ᭞ᬪᬝᬵᬭᬫᬗ᭄ᬭᬕᬦᬶᬦ᭄
ᬭᬶᬂᬧᭂᬢᭂᬂᬮᬶᬗ᭄ᬕᬶᬄᬳᬶᬭᬢᬸ᭞ᬲᬂᬲᭂᬤᬶᬄᬫᭂᬱ᭄ᬧᭂᬲ᭄‌‌ᬬᬾᬄᬫᬢ᭞ᬭᬶᬂᬢᬫᬦ᭄ᬦᬾᬗᬸ᭠ᬮᬗᬸᬦᬶᬦ᭄᭞ᬫ᭄ᬯᬄᬭᬶᬂᬮᬶᬫᬸᬢ᭄᭞ᬲᬧᬸᬓᬦ᭄ᬢᭀᬬᬦ᭄‌‌ᬲᬕᬭ᭟ᬭᬶᬂᬧᬕ᭄ᬭᬶᬬᭂᬂᬢ᭄ᬮᬶᬯᬶᬗᬦ᭄
ᬲᬧᬸᬦᬶᬓᬯᬦ᭄ᬢᬄᬚᬢᬶ᭞ᬧᬦ᭄ᬤᬤᭀᬲ᭄‌‌ᬭᬕ᭄ᬕᬦ᭄‌‌ᬪᬝᬵᬭ᭞ᬲᬶᬗ᭄ᬳᬵᬧᬸᬭᬸᬱᬭᬶᬂᬚᬸᬭᬶᬢ᭄᭞ᬭᬶᬂᬢᬭᬸᬡᬦᬾᬧᭂᬓᬶᬓ᭄᭞ᬧᬜ᭄ᬚᬶᬰᬹᬭᬾᬂᬭᬡᬭᬢᬸ᭞ᬲᬓ᭄ᬱᬢ᭄‌‌ᬭᬵᬕ᭄ᬕ᭠

[᭓ 3A]
᭓
ᬓᬸᬲᬸᬫᬵ᭞ᬬᬦᬶᬂᬭᬶᬂᬓᬶᬤᬸᬂᬓᬓᬯᬶᬦ᭄᭞ᬓᬭᬗ᭄ᬓᬶᬢᬂ᭞ᬭᬶᬂᬚᬕᬢᬾᬲᬶᬦᬫᬶᬬᬦ᭄᭟ᬫᬭᬕ᭄ᬕᬫᬦ᭄ᬢ᭄ᬭᬉᬢ᭄ᬢᬫ᭞ᬫᬦᬫ᭄ᬩᬦᬶᬦ᭄ᬩᬸᬤᬸᬄᬧᬮᬶᬂ᭞ᬭᬶᬓᬮᬦᬾᬭᬶᬂᬧᬢᬸᬭᭀ᭠
ᬦ᭄᭞ᬰ᭄ᬭᬶᬓᬵᬫ᭄ᬫᬰ᭄ᬯᬭᬫᬮᬶᬄ᭞ᬧᬭᬩ᭄‌‌ᬳᬶᬭᬢᬸᬲᬸᬚᬢᬶ᭞ᬳᬯᬶᬦᬦ᭄ᬢᬶᬢ᭄ᬬᬂᬫᬦᬸᬳᬸᬃ᭞ᬗᬲ᭄ᬢᬯᬲᬗ᭄ᬳ᭄ᬬᬂᬲ᭄ᬫᬭ᭞ᬩᬶᬧ᭄ᬭᬬᬧᬘᬂᬫᬗᬯᬶ᭞ᬗᬶᬭᬶᬂᬓᬬᬸᬦ᭄᭞ᬳᬶᬤᬲᬂᬳᬫᬯ
ᬚᬕᬢ᭄᭟ᬫᬓᬘᬸᬥᬫᬡᬶᬦ᭄‌‌ᬢᬶᬢ᭄ᬬᬂ᭞ᬫ᭄ᬧᬸᬥᬃᬫ᭄ᬫᬵᬚᬧᬸᬦᬶᬓᬶ᭞ᬳᬗ᭄ᬳᬶᬂᬤᭀᬄᬧᬘᬂᬜᬶᬤᬬᬂ᭞ᬢᬶᬢ᭄ᬬᬂᬫᬸᬧᬸᬢᬂᬧᬗᬯᬶ᭞ᬓᬩᬢᭂᬓ᭄ᬳᬦ᭄ᬢᬸᬓ᭄ᬧᬶᬗ᭄ᬕᬶᬂ᭞ᬭᬶᬂᬦᬧᬶᬦᬾᬧᬘᬂ
ᬧᬢᬸᬢ᭄᭞ᬲᭀᬢᬦᬶᬂᬓᬯᬶᬳᬜᬃ᭞ᬫᬮᬶᬄᬯ᭄ᬯᭀᬂᬤᬸᬲᬸᬦ᭄‌‌ᬲᬸᬚᬢᬶ᭞ᬲᭀᬓ᭄ᬓᬤᬸᬤᬸᬢ᭄᭞ᬭᬶᬂᬓᬸᬮᬗᬸᬦᬦ᭄‌‌ᬲᬕᬭ᭟ᬭᬶᬳᬶᬦ᭄ᬤᬸᬓ᭄‌‌ᬳᬶᬤᬳ᭄ᬬᬂᬰᬶᬯ᭞ᬫᬦᬗᬸᬦ᭄‌‌ᬬᭀᬕ᭄ᬕ