[᭓᭖ 36B]
᭓᭖
ᬫᬗ᭄ᬤᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬢᬸᬮᬶᬦ᭄᭞ᬳᬶᬤᬾᬯᬗᬯᬰᬲᬫᬶ᭞ᬫᬤᬕᬶᬂᬓᬬᬸᬦ᭄ᬳᬶᬭᬢᬸᬲᬤᬕᬶᬗᬶᬂᬲ᭄ᬫᬭᬮᭀᬓ᭞ᬓᭀᬤᬕᬂᬚᬭᬳᬶᬦ᭄ᬲᬫᬶ᭞ᬫᬗ᭄ᬤᬦᭂᬭᬸᬲ᭄᭞ᬧᬶᬓᭀᬮᬶᬄᬭᬢᬸ
ᬦᬾᬚᬬ᭟ᬗ᭄ᬕᬯᬾᬓᬧᬢᬶᬳᬦ᭄ᬳᬦᬓ᭄᭞ᬢᬦ᭄ᬮᬶᬗᬸᬓᭂᬦ᭄ᬤᭂᬮ᭄ᬗᬓ᭄ᬱᬶᬦᬶᬦ᭄᭞ᬓᬲᬗ᭄ᬲᬭᬦ᭄ᬳᬦᬓ᭄ᬮᬶᬬᬦ᭄᭞ᬤᬾᬯᬢᬯᬱ᭄ᬝᬦ᭄ᬜᬚᬢᬶ᭞ᬗ᭄ᬕᬯᬾᬧᬥᭂᬫ᭄ᬧᬲᬫ᭄ᬧ᭄ᬭᬶᬢᬶ᭞ᬢᬦ᭄
ᬯᬾᬦ᭄ᬢᭂᬦ᭄ᬫᬓᬳᬶᬯᬂᬳᬶᬧᬸᬦ᭄᭞ᬲᬧᬸᬦᬶᬓᬳᬦ᭄ᬢᬸᬓ᭄ᬳᬶᬤ᭞ᬫᬲᬲᬫ᭄ᬩᬢᬦ᭄ᬫᬦᬗᬶᬲ᭄᭞ᬫᬜᭂᬮ᭄ᬲᭂᬮᬂ᭞ᬤᬾᬯᬢᬦᬾᬲᬶᬦᬫᬶᬳᬦ᭄᭟ᬳᬶᬤᬪᬕᬯᬦ᭄ᬯᬺᬳᬲ᭄ᬧᬢᬶᬬ᭞ᬗ᭠
ᬦ᭄ᬤᬶᬓᬫᬲᬯᬂᬢᬗᬶᬲ᭄᭞ᬦᭂᬭᬗᬂᬳᬶᬦ᭄ᬤᬶᬓᬾᬋᬓᭀ᭞ᬳᬤᬸᬄᬤᬾᬯᬲᬗ᭄ᬳ᭄ᬬᬂᬭᬢᬶᬄᬧᬢᬹᬢ᭄ᬩᬩᬯᭀᬲᬾᬚᬢᬶ᭞ᬫᬜᭂᬗ᭄ᬕᬸᬳᬂᬩᬧᬍᬢᬸᬄ᭞ᬫᬤᬓ᭄ᬫᬫᬗ᭄ᬕᬶᬄᬦᬭᬓᬵ᭞ᬬ
[᭓᭗ 37A]
᭓᭗
ᬦᬶᬂᬩᬧᬘᭀᬭᬄᬚᬢᬶ᭞ᬫᬗ᭄ᬤᬦᭂᬫᬸ᭞ᬲᬍᬢᭂᬄᬍᬢᭂᬳᬶᬂᬚᬕᬢ᭄᭟ᬤᬸ᭠ᬓ᭄ᬧᬸᬯᬸᬦ᭄ᬳᬶᬤᬳ᭄ᬬᬂᬲ᭄ᬫᬭ᭞ᬲᬋᬂᬲᬫᬶᬩᬧᬲᭂᬤᬶᬄ᭞ᬓᬗᭂᬦ᭄ᬫᬗᬦ᭄ᬢᭂᬦᬂᬳᬶᬤ᭞ᬓ᭠
ᬮᬶᬦ᭄ᬢᬂᬮᬶᬦ᭄ᬢᬂᬓᬲᬶᬳᬲᬶᬄ᭞ᬦᬗ᭄ᬓᬶᬮ᭄ᬩᬧᬲᬋᬂᬲᬫᬶ᭞ᬫᭂᬓᬸᬮ᭄ᬘᭀᬓᭀᬃ᭠ᬳ᭄ᬬᬂᬲᬶᬦᬸᬳᬸᬦ᭄᭞ᬦᬸᬦᬲ᭄ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭞ᬫᬗ᭄ᬤᬳᬶᬤᬜᭂᬦᭂᬂᬫᬮᬶᬄ᭞ᬢᬸᬮᬓ᭄ᬫᬦ᭄ᬢᬸ᭠
ᬓ᭄᭞ᬲᬋᬂᬲᬫᬶᬓᬰ᭄ᬯᬃᬕ᭄ᬕᬦ᭄᭟ᬯᬶᬥ᭄ᬤᬶᬦᬾᬯᬦ᭄ᬢᬄᬗᬃᬤ᭄ᬤᬶᬬᬂ᭞ᬳᬶᬤᬾᬯ᭄ᬯᬲᬋᬂᬓᬮᬶᬄ᭞ᬫᬜᬸᬲᬸᬧ᭄ᬳᬯᭀᬃᬭᬶᬂᬫᬦᬄ᭞ᬳᬶᬤᬾᬯᬫᬭᬕᬲᬶᬗᬶᬤ᭄᭞ᬲᬧᬸᬦᬶᬓᬤᬾᬯᬫᬗ᭄ᬓᬶᬦ᭄᭞
ᬧᬗᬦ᭄ᬤᬶᬓᬦ᭄ᬳ᭄ᬬᬂᬲᬶᬦᬸᬳᬸᬦ᭄᭞ᬧᬹᬃᬡ᭄ᬦᬬᬂᬤᬾᬯᬧᬹᬃᬡ᭄ᬦᬬᬂ᭞ᬲᭂᬤᬶᬄᬳᬶᬤᬾ᭠ᬯᬦᬾᬫᬗ᭄ᬓᬶᬦ᭄᭞ᬭᬾᬄᬓᬢᬸᬤᬸᬄ᭞ᬭᬢᬸᬫᬭᬕ᭄ᬕᬦᬶᬲ᭄ᬓᬮᬵ᭟ᬤᬾᬦᬶᬂᬳᬸᬭᬶᬧᬾ᭠
