[᭓᭘ 38B]
᭓᭘
ᬫᬢᭂᬫᬸ᭞ᬬᬦ᭄ᬳᬶᬘ᭄ᬙᬳ᭄ᬬᬂᬯᬶᬥ᭄ᬤᬶᬯᬰ᭞ᬗᬶᬘᬾᬦᬶᬦ᭄ᬫᬢᭂᬫᬸᬫᬮᬶᬄ᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬭᬶᬂᬧᬭᬚᬤ᭄ᬫᬲᬫᬶᬬᬦ᭄᭟ᬲᬧᬸᬦᬶᬓᬳᬢᬹᬃᬳᬶᬤ᭞ᬤᬾᬯᬶᬭᬢᬶᬄᬲᬫ᭄ᬩᬶᬮ᭄
ᬦᬗᬶᬲ᭄᭞ᬫᬶᬲᬭᬢᬂᬭᬶᬂᬲᬓᬮ᭞ᬫᬗ᭄ᬤᬫᬗᬸᬮᬸᬭᬶᬦ᭄ᬓᬲᬶᬄ᭞ᬪᬕᬯ᭠ᬯᬺᬳᬲ᭄ᬧᬢᬶ᭞ᬲᬋᬂᬧᬓᬬᬸᬦᬦᬾᬲᬸᬗ᭄ᬲᬸᬢ᭄᭞ᬤᬸᬄᬤᬾᬯᬲᬂᬮ᭄ᬯᬶᬄᬲᬢᬶᬬ᭞ᬲᬶᬤ
ᬲᬓᬬᬸᬦᬾᬲᬫᬶ᭞ᬲᬗ᭄ᬳ᭄ᬬᬂᬰᬶᬯ᭄ᬯ᭞ᬫᬗᬶᬘᬾᬦ᭄ᬧᬦᬸᬫᬤᬶᬬᬦ᭄᭟ᬬᬤᬶᬦ᭄ᬭᬯᬸᬄᬧᬸᬗ᭄ᬓᬸᬃᬯᭂᬓᬲ᭄᭞ᬢᬦ᭄ᬧᬘᬂᬫᬩ᭄ᬮᬲᬦ᭄ᬫᬮᬶᬄ᭞ᬕ᭄ᬮᬶᬲᬂᬚᬤᬾᬯᬗᬶᬥᭂᬧᬂ᭞ᬢᬸᬭᬸ
ᬢ᭄ᬭᬢᬸᬲᬦᬾᬫᬗ᭄ᬓᬶᬦ᭄᭞ᬯᬘᬦᬦ᭄ᬳ᭄ᬬᬂᬕᬶᬭᬶᬧᬢᬶ᭞ᬭᬶᬂᬚᬕᬢ᭄ᬤᬾᬯᬫᬮᬸᬗ᭄ᬕᬸᬄ᭞ᬓᬧᬗ᭄ᬕᬶᬄᬳᬶᬤᬳᬶᬭᬓ᭞ᬭᬶᬂᬩᬾᬲᬸᬓ᭄ᬬᬦᬶᬂᬦ᭄ᬤᬸᬫᬤᬶ᭞ᬧᬸᬧᬸᬢ᭄ᬲ᭠
[᭓᭙ 39A]
᭓᭙
ᬫ᭄ᬧᬸᬦ᭄᭞ᬯᬘᬦᬦ᭄ᬳᬶᬤᬧᬤᬡ᭄ᬥ᭟ᬤᬾᬯᬶᬭᬢᬶᬄᬧᬫᬶᬢ᭄ᬜᬸᬫ᭄ᬩᬄ᭞ᬭᬶᬂᬮᬶᬗ᭄ᬕᬶᬄᬳᬶᬤᬲᬂᬋᬱᬶ᭞ᬳᬶᬗ᭄ᬕᬶᬄᬭᬢᬸᬲᬶᬦᬫᬶᬬᬦ᭄᭞ᬓᬮᬶᬄᬭᬢᬸᬧ᭄ᬭᬡ᭄ᬥᬮᬸᬯᬶᬄ᭞ᬦᬾᬫᬗ᭄ᬓᬶᬦ᭄ᬢᬶ᭠
ᬢᬶᬬᬂᬫᬧᬫᬶᬢ᭄᭞ᬫᭂᬲᬢᬭᬶᬂᬫᬳᬵᬫᬾᬭᬸ᭞ᬗᬶᬭᬶᬂᬳᬶᬤᬲᬂᬯᬸᬲ᭄ᬮᬶᬡ᭞ᬳ᭠ᬢᬸᬭᬾᬫᬤᬸᬮᬸᬃᬢᬗᬶᬲ᭄᭞ᬲᭂᬫᬸᬲᬸᬗ᭄ᬲᬸᬢ᭄᭞ᬳᬢᬸᬭᬾᬫᬫᭂᬕᬢ᭄ᬫᭂᬕᬢ᭄᭟ᬳᬕᭂᬮᬶ᭠
ᬲ᭄ᬳᬶᬤᬫᬫᬸᬚ᭞ᬲᬓᬢᬄᬤᬺᬯᬾᬦᬾᬲᬫᬶ᭞ᬓᬢᬹᬃᬭᬶᬂᬳᬶᬤᬧᬤᬡ᭄ᬥ᭞ᬯᬾᬦ᭄ᬢᭂᬦ᭄ᬧᬜ᭄ᬚᭂᬭᭀᬯᬦ᭄ᬓᬓᬮᬶᬄ᭞ᬫᬯᬱ᭄ᬝᬦᬡ᭄ᬥᬲᬸᬦᬦ᭄ᬥᬶ᭞ᬧᬜᬫᬬᬦ᭄ᬲᬫᬶᬳᬬᬸ᭞ᬧ᭄ᬭᬚ᭄ᬜᬦ᭄ᬍᬯᬶᬳᬶᬂ
ᬮᬓ᭄ᬱᬡ᭞ᬧᬸᬦᬶᬓᬪᬓ᭄ᬢᬶᬫᬗᬶᬭᬶᬂ᭞ᬫ᭄ᬩᬓ᭄ᬢᬓᬫ᭄ᬧᬸᬄ᭞ᬯᬲ᭄ᬢ᭄ᬭᬫᬶᬯᬄᬧᬘᬦᬗᬦ᭄᭚ᬧᬸᬧᬸᬄᬧᬗ᭄ᬓᬸᬃ᭚ᬧᬫᬃᬕ᭄ᬕᬶᬦᬾᬲᬋᬂᬢᬶᬕ᭞ᬢᬦ᭄ᬘᬭᬶᬢᬲᭀᬮᬄᬜᬲᬂᬓᬢᬶᬗ᭄ᬕᬮᬶᬦ᭄᭞
