[᭓᭙ 39B]
᭓᭙
ᬳ᭄ᬬᬂᬭᬢᬶᬄᬫᬗ᭄ᬓᬶᬦ᭄ᬓᬯᬸᬯᬸᬲ᭄᭞ᬬᬾᬄᬧᬦᭀᬦ᭄ᬗᭂᬫ᭄ᬩᭂᬂᬢᬦ᭄ᬧᭂᬕᬢ᭄᭞ᬮᬫ᭄ᬧᬄᬳᬮᭀᬦ᭄ᬲᬤᬗ᭄ᬓᬤᬗ᭄ᬓᬜᬭᬸᬦᬸᬓ᭄᭞ᬩᭀᬗ᭄ᬓᭀᬮ᭄ᬫᬳᬫᬾᬭᬸᬓᭀᬘᬧ᭄᭞ᬲᬤᬓ
ᬯᬸᬄᬓᬫᬃᬕ᭄ᬕᬶᬦᬶᬦ᭄᭟ᬮᬶᬗ᭄ᬕᬶᬄᬗᬸᬮᬗᬸᬦᬶᬦ᭄ᬤᬗ᭄ᬲᬄ᭞ᬢᭂᬕᬮ᭄ᬳᬶᬧᬸᬦ᭄ᬲᭂᬫᭂᬗᬦ᭄ᬳᬶᬤᬫᬫᬃᬕ᭄ᬕᬶ᭞ᬲᬶᬲᬶᬦ᭄ᬢᬸᬓᬤᬾᬓᬢᬸᬳᬸᬢ᭄᭞ᬓᬢᬂᬓᬢᬗᬾᬲᬄᬮᬬᬸ᭞ᬧᬘᬃᬲᭀᬦ
ᬯᬾᬦ᭄ᬢᭂᬦ᭄ᬓᬤᬶᬢᬸᬜ᭄ᬚᬸᬂᬮᬬᬸ᭞ᬧᬸᬲᬸᬄᬩᬶᬬᬸᬓᬢᬶᬗᬮᬦ᭄᭞ᬳᬳᬲ᭄ᬳᬶᬲᬶᬦ᭄ᬜᬦᬾᬲᬫᬶ᭟ᬫᬶᬭᬶᬩ᭄ᬦᬓᬧᬸᬢᬶᬄᬲᭂᬦ᭄ᬢᬓ᭄᭞ᬲᬫ᭄ᬧᬸᬦ᭄ᬮᬸᬂᬫᬦ᭄ᬢᭂᬧ᭄ᬭᬶᬂᬲᬸᬲᬸᬦᬾᬜᬗ᭄ᬓᬶᬄ᭞ᬫᬫᬃ
ᬕ᭄ᬕᬶᬳᬶᬤᬫᬗᬸᬦ᭄ᬢᬸᬓ᭄᭞ᬫᬓᬸᬤᬸᬂᬲᬸᬢᬺᬮᬗᬄ᭞ᬲᬫ᭄ᬩᬶᬮ᭄ᬦᬗᬶᬲ᭄᭞ᬫᬘᬢ᭄ᬬᬾᬄᬧᬦᭀᬦᬾᬧᭂᬲᬸ᭞ᬘᭀᬓᭀᬭᬾᬫᬲᭂᬩᭂᬂᬩᬭᬓ᭄᭞ᬩᬩᬓ᭄ᬩᬳᬦ᭄ᬩᬢᬸᬦᬾᬮᬜᬶᬂ᭟
[᭔᭐ 40A]
᭔᭐
ᬤᬾᬫ᭄ᬧᭀᬤᬾᬫ᭄ᬧᭀᬫᬳᬜ᭄ᬚᭂᬓᬦ᭄᭞ᬫᬢᬢᭂᬓᭂᬦ᭄ᬫᬗᬶᬲᬶᬧᬭᬲ᭄ᬦᬗᬶᬲ᭄᭞ᬍᬲᬸᬫᬗᭂᬦ᭄ᬢᬲᬶᬦ᭄ᬩᬢᬸ᭞ᬩᭂᬮᬶᬕ᭄ᬢᬹᬃᬫᬕᬸᬮᬶᬓᬦ᭄᭞ᬢᬫ᭄ᬧᬓ᭄ᬩᬾᬮᬗᬸᬮᬾᬧᬢ᭄ᬳᬗᬶ
ᬦ᭄ᬫᬦᭂᬫ᭄ᬧᬸᬄ᭞ᬫᬶᬭᬶᬩ᭄ᬳᬶᬧᬸᬦ᭄ᬗᬯᬗ᭄ᬲᬶᬢᬂ᭞ᬮᬶᬗ᭄ᬕᬶᬄᬲᬗ᭄ᬳ᭄ᬬᬂᬲ᭄ᬫᬭᬪᬓ᭄ᬢᬶ᭟ᬧᬸᬲᬸᬄᬘᬫ᭄ᬧᬓᬫᬲᬄᬲᬄ᭞ᬲᬫ᭄ᬧᬸᬦ᭄ᬮᬬᬸᬫᬳᬶᬭᬶᬩ᭄ᬬᬲᭂᬓᬃᬢᬚᬶ᭞ᬓᬓᬸᬢᬂᬭᬶᬂᬲᬂᬫᬜᬸᬦᬸᬢ᭄᭞ᬧᬸᬲᬸᬄ
ᬩᬓᬸᬗᬾᬲᭂᬦ᭄ᬢᬓ᭄᭞ᬮ᭄ᬯᬶᬃᬚᬭᬶᬚᬶᬫᬶᬭᬶᬩ᭄ᬪᬓ᭄ᬢᬶᬬᬫᬶᬢᬸᬤᬸᬄ᭞ᬲ᭄ᬯᬮᬶᬗ᭄ᬕᬶᬄᬳᬶᬤᬲᬂᬮᬶᬦ᭞ᬳᬶᬭᬶᬓᬵᬭᬶᬂᬫᬳᬵᬕᬶᬭᬶ᭟ᬲᬬᬦ᭄ᬚᭀᬄᬫᬃᬕ᭄ᬕᬶᬦᬾᬲᭂᬗ᭄ᬓᬵ᭞ᬫᬮᬶᬄᬳᬳᬸᬩ᭄ᬩ᭄ᬮᬩᬭᬾ
ᬫᬗᭂᬫ᭄ᬩᬳᬶᬦ᭄᭞ᬳᬓᬾᬄᬓᬓᬬᭀᬦᬦ᭄ᬭᬸᬩᬸᬄ᭞ᬲᬸᬯᬸᬂᬢᬦ᭄ᬯᬾᬦ᭄ᬢᭂᬦ᭄ᬚᬤ᭄ᬫ᭞ᬫᬸᬂᬲᬸᬦ᭄ᬤᬭᬶᬫᬲ᭄ᬯᬭᬜᭂᬭᬶᬢ᭄ᬓᬭᬸᬗᬸ᭞ᬫᬳᬶᬭᬶᬩ᭄ᬳᭂᬮᬶᬂᬳᬶᬳᬮᬲ᭄᭞ᬓᭂᬮᭀᬤ᭄ᬓᬗᬶᬦ᭄ᬜᬓᬳ᭠
