[᭔᭔ 44B]
᭔᭔
ᬲᭂᬤᬶᬄ᭞ᬯᬳᬸᬫᬜᬶᬗᬓ᭄ᬧᬸᬦᬶᬓ᭞ᬢᬸᬫᬸᬮᬶᬳᬾᬕᬃᬓᬬᬸᬦᬾ᭞ᬭᬭᬶᬲ᭄ᬳᬶᬤᬫᬤᬩ᭄ᬤᬩᬦ᭄᭞ᬲᬋᬂᬧᬜ᭄ᬚᭂᬭᭀᬳᬦ᭄ᬳᬶᬤ᭞ᬭᬶᬂᬕᭂᬦᬶᬧᬘᬂᬫᬘᭂᬩᬸᬃ᭞ᬭᬭᬶᬲ᭄ᬦᬸᬮ᭠
ᬫᬾᬳᬶᬭᬶᬓ᭟ᬳᬶᬗ᭄ᬕᬶᬄᬩᭂᬮᬶᬦᬾᬦᬾᬫᬗ᭄ᬓᬶᬦ᭄᭞ᬘᬶᬗᬓ᭄ᬧᬧᬕ᭄ᬳᬸᬕᬶᬢᬶᬢᬶᬬᬂ᭞ᬜᬤ᭄ᬬᬢᬶᬢᬶᬬᬂᬗᬶᬭᬶᬂᬋᬓᭀ᭞ᬫᬗ᭄ᬤᬾᬦ᭄ᬜᬢᬦ᭄ᬫᬩᭂᬮᬲᬦ᭄᭞ᬬᬤᬶᬦ᭄ᬧᬶᬂᬲᬧ᭄ᬢᬫᬜ᭄ᬚᬤ᭄ᬫ᭞
ᬫᬗ᭄ᬤᬗᬳᬸᬮᬲᬢᬸᬳᬸᬓ᭄᭞ᬲᬋᬂᬫᬸᬧᬸᬲᬸᬓᬤᬸᬄᬓ᭟ᬳᬦ᭄ᬢᭀᬲ᭄ᬚᬸᬳᬢᬶᬢᬶᬬᬂᬩᭂᬮᬶ᭞ᬳᬶᬭᬶᬓᬭᬶᬂᬫᬃᬕ᭄ᬕᬲᬗ᭄ᬳᬵ᭞ᬭᬶᬂᬢᬶᬢᬶᬳᬸᬕᬮ᭄ᬳᬕᬶᬮᬾ᭞ᬩᭂᬮᬶᬫᬦᬦ᭄ᬤᬦᬶᬦ᭄ᬢᬶᬢᬶᬬᬂ᭞
ᬭᬾᬄᬲᭂᬗ᭄ᬓᬧᬘᬂᬫᬚᬮᬦ᭄᭞ᬫᬶᬯᬄᬭᬶᬂᬫᬃᬕ᭄ᬕᬶᬦᬾᬲᬸᬯᬸᬂ᭞ᬢᬸᬫᬸᬮᬶᬳᬶᬤᬫᬫᬸᬚᬵ᭟ᬫ᭠ᬗᬺᬕᭂᬧ᭄ᬳᬚ᭄ᬜᬦᬳᭂᬦᬶᬂ᭞ᬦᬸᬗ᭄ᬕᬮᬂᬓᬬᬸᬦ᭄ᬧᬺᬮᬶᬦ᭞ᬭᬭᬶᬲ᭄ᬫᬘᭂᬩᬸᬃᬢᬋᬓᭀ᭞ᬭᬶᬂᬕᭂᬦᬶᬦᬾ
[᭔᭕ 45A]
᭔᭕
ᬤᬸᬫᬶᬮᬄ᭞ᬯᬸᬲ᭄ᬧᬸᬯᬸᬦ᭄ᬫᬓᬢᬢᬶᬕ᭞ᬓᭀᬘᬧᬦ᭄ᬲᬫ᭄ᬧᬸᬦ᭄ᬫᬢᭂᬫᬸ᭞ᬭᬶᬂᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭟ᬦᬗ᭄ᬳᬶᬂᬢᬦ᭄ᬫᬭᬕ᭄ᬕᬫᬗ᭄ᬓᬶᬦ᭄᭞ᬢᬦ᭄ᬜᬶᬤᬬᬂᬫᬲᬗ᭄ᬕᬫ᭞ᬳᭀᬲᭂᬓ᭄ᬧᬓᬬᬸᬦ᭄ᬦᬾ
ᬋᬓᭀ᭞ᬭᬭᬶᬲ᭄ᬲᬫᬶᬫᬲᬸᬲᬸᬧᬦ᭄᭞ᬲᬗ᭄ᬳ᭄ᬬᬂᬲ᭄ᬫᬭᬭᬶᬂᬳ᭄ᬬᬂᬰᬶᬯ᭄ᬯ᭞ᬗᬯᬶᬦᬂᬲ᭄ᬫᬭᬮᬸᬮᬸᬢ᭄᭞ᬳᬸᬮᬗᬸᬦ᭄ᬳᬶᬤᬓᬮᬶᬦ᭄ᬢᬂ᭟ᬫᬶᬯᬄᬳᬶᬤᬤᬾᬯᬶᬭᬢᬶᬄ᭞ᬢᬍᬃᬲᬫ᭄ᬧᬸᬦ᭄ᬫᬲᬸᬲᬸ
ᬧᬦ᭄᭞ᬭᬶᬂᬓᬬᬸᬦ᭄ᬪᬝᬵᬭᬶᬋᬓᭀ᭞ᬤᬾᬯᬶᬉᬫᬓᬲ᭄ᬫᬭᬦ᭄᭞ᬢᬦ᭄ᬓᭀᬘᬧᬦ᭄ᬧᬸᬦᬶᬓ᭞ᬲᬂᬓᬮᬶᬄᬲᬫ᭄ᬧᬸᬦ᭄ᬫᬜᬸᬲᬸᬧ᭄᭞ᬪᬝᬵᬭᬰᬶᬯ᭄ᬯᬓᭀᬘᬧᬦ᭄᭚᭜᭚
᭟ᬧᬸᬧᬸᬄᬲᬶᬦᭀᬫ᭄᭚ᬳᭀᬲᭂᬓ᭄ᬓᬬᬸᬦᬾᬓᬮᬶᬦ᭄ᬢᬂ᭞ᬓᬲ᭄ᬫᬭᬦᬾᬜᬸᬲᬸᬧᬶ᭠ᬦ᭄᭞ᬫᬓᬫᬶᬯᬄᬓᬸᬮᬗᬸᬦᬦ᭄᭞ᬭᬱᬦ᭄ᬜᬲᬸᬩᬫᬜᬂᬓ᭄ᬮᬶᬩ᭄᭞ᬭᬶᬂᬳᬦ᭄ᬢᭂᬂᬳ᭄ᬬᬂᬕᬶᬭᬶᬧᬸᬢ᭄ᬭᬶ᭞
