[᭔᭗ 47B]
᭔᭗
ᬲᬄᬳᬶᬤᬗᬚᬧ᭄ᬳᬚᬧ᭄᭟ᬗᬸᬦ᭄ᬗᬸᬦ᭄ᬲᭂᬤᬶᬳᬾᬓᬮᬶᬦ᭄ᬢᬂ᭞ᬲᬸᬫᬶᬗ᭄ᬓᬶᬦ᭄ᬫᬯᬸᬯᬸᬄᬫᬦᬶᬲ᭄᭞ᬓᬢᬶᬫᬦ᭄ᬢᬦ᭄ᬧᬪᬹᬱᬡ᭞ᬭᬶᬂᬩᬮᬾᬦᬾᬳᬶᬤᬲᭂᬤᬶᬄ᭞ᬫᬗᬹᬫᬗᬓ᭄ᬱᬶᬮᬗᬶᬢ᭄᭞ᬭᭀ
ᬫᬦᬾᬲᬫᬄᬢᬹᬃᬕᭂᬫ᭄ᬧᬸᬓ᭄᭞ᬦᬸᬚᬸᬳᬶᬤᬫᬕᬫ᭄ᬩᬳᬦ᭄᭞ᬲᭂᬓᬃᬕᬥᬸᬗᬾᬫᬗ᭄ᬮᬶᬮᬶ᭠ᬢ᭄᭞ᬫᬳᬶᬓ᭄ᬗᬮᬸᬩ᭄᭞ᬳᬬᬸᬦᬾᬢᬦ᭄ᬧᬢᬦ᭄ᬤᬶᬗᬦ᭄᭟ᬲᭂᬤᭂᬓ᭄ᬳᬶᬤᬤᬾᬯᬶᬉᬫ᭞ᬦᬦ᭄ᬤᬂ
ᬮᬭᬲᭂᬤᬶᬄᬓᬶᬗ᭄ᬓᬶᬂ᭞ᬯᬾᬦ᭄ᬢᭂᬦ᭄ᬧᬯᭀᬗᬦ᭄ᬗᬸᬦᬶᬗᬂ᭞ᬲᬗ᭄ᬳ᭄ᬬᬂᬰᬶᬯ᭄ᬯᬭᬯᬸᬄᬫᬗ᭄ᬓᬶᬦ᭄᭞ᬗᬶᬭᬶᬂᬫᭂᬤᬮ᭄ᬭᬢᬸᬫᬗ᭄ᬓᬶᬦ᭄᭞ᬢᬦ᭄ᬧᬕᬯᬾᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬯᬸᬲ᭄ᬭᬯᬸᬄᬳᬶᬤᬪᬝᬵ
ᬭ᭞ᬭᬶᬂᬚᬩᬳᬶᬤᬫᬮᬶᬗ᭄ᬕᬶᬄ᭞ᬢᬦ᭄ᬧᬓᭂᬢᬸ᭞ᬲᬫ᭄ᬧᬸᬦ᭄ᬳᬶᬤᬗᭂᬮᬸᬲ᭄ᬩ᭄ᬭᬢ᭄ᬢ᭟ᬫ᭠ᬗ᭄ᬓᬶᬦ᭄ᬳᬶᬤᬤᬾᬯᬶᬉᬫ᭞ᬢᬦ᭄ᬗᬮᬶᬗᬹᬫᬧᬶᬫᬧᬶ᭞ᬦᬗ᭄ᬳᬶᬂᬧᬓᬬᬸᬦᬾᬳᬾᬕᬃ᭞ᬭᬸᬦ᭄ᬢᬕ᭄ᬩᬬᬸ
[᭔᭘ 48A]
᭔᭘
ᬦᬾᬢᬦ᭄ᬫᬭᬶ᭞ᬳᬸᬮᬗᬸᬦ᭄ᬭᬶᬂᬓᬩᬶᬮ᭄ᬩᬶᬮ᭄᭞ᬧᬸᬦᬶᬓᬫᬗ᭄ᬓᬶᬦ᭄ᬫᬘᬫ᭄ᬧᬸᬄ᭞ᬫᬶᬚᬶᬮ᭄ᬧ᭠ᬫᬃᬕ᭄ᬕᬶᬦᬾᬤᬩ᭄ᬤᬩ᭄᭞ᬧᬯᭀᬗᬦ᭄ᬲᬫᬶᬫᬗᬶᬭᬶᬂ᭞ᬢᬹᬃᬫᬦᬸᬦ᭄ᬢᬸᬦ᭄᭞ᬫ᭄ᬩᬓ᭄ᬢᬧᬘᬦᬗᬦ᭄
ᬫᬲ᭄᭟ᬲᬭᬯᬸᬳᬾᬭᬶᬂᬚᬩᬬᬦ᭄᭞ᬜᬮᬾᬫ᭄ᬧᭀᬄᬭᬭᬶᬲ᭄ᬗᬪᬓ᭄ᬢᬶ᭞ᬢᬗᬦ᭄ᬍᬫᬸᬄᬫᬢᭂᬳᭂᬦᬦ᭄᭞ᬪᬝᬵᬭᬮᬾᬤᬂᬢᬦ᭄ᬲᬶᬧᬶ᭞ᬳᬤᬸᬄᬚᬶᬯᬦ᭄ᬢᬶᬢᬶᬬᬂᬫᬡᬶᬓ᭄᭞ᬦᬸᬦ
ᬲ᭄ᬗᬤᭂᬕ᭄ᬭᬢᬸᬳᬬᬸ᭞ᬤᬸᬳᬸᬃᬲᬚᬓᭀᬳᬶᬤᬾᬯ᭄ᬯ᭞ᬢᬹᬃᬜᬦ᭄ᬤᬂᬲᬸᬩᬫᬭᬩᬶ᭞ᬫ᭠ᬮᬶᬄᬳᬬᬸ᭞ᬕᭂᬮᬶᬲ᭄ᬲᬦ᭄ᬳᬶᬤᬾᬯ᭄ᬯᬤᭂᬳᬵ᭟ᬫᬮᬶᬄᬧᬗᬶᬤ᭄ᬲᬲᭀᬮᬳᬦ᭄᭞ᬓᬶᬫᬸᬤ᭄
ᬲᬦ᭄ᬩᭂᬮᬶᬫᬗᬩᬶᬦ᭄᭞ᬭᬾᬄᬲᬫ᭄ᬧᬸᬦ᭄ᬳᬶᬤᬾᬯ᭄ᬯᬤᭂᬳᬵ᭞ᬭᬶᬂᬲᬫ᭄ᬧᬶᬂᬩᭂᬮᬶᬫᬮᬶ᭠ᬗ᭄ᬕᬶᬄ᭞ᬓ᭄ᬮᬾᬲᬂᬲᬲᭂᬦ᭄ᬢᭂᬂᬳᬤᬶ᭞ᬫᬗ᭄ᬤᬾᬦ᭄ᬲᬶᬦᬄᬲᬸᬲᬸᬦ᭄ᬭᬢᬸ᭞ᬲᬦᬾᬫᬶᬤᬥᬓᭂᬫ᭄ᬩᬭ᭄᭞
