[᭕᭓ 53B]
᭕᭓
ᬭᬶᬂᬧᬸᬗ᭄ᬓᬸᬃᬳᬶᬭᬦᬶᬬᬓᬲᬶᬧᬸᬄᬗᬶᬭᬶᬗᬂ᭞ᬲᬋᬂᬭᬓ᭄ᬱᬲᬫᬮᬶᬄ᭞ᬢᭀᬲ᭄ᬲᬂᬓᬮᬓᬾᬬ᭞ᬫᬤᬦ᭄ᬲᬂᬥᬦᬫᬦ᭞ᬯᬶᬓᬢᬓᬸᬳᬓᬫᬮᬶᬄ᭞ᬤᬰᬓᬭᬯᬓ᭄ᬢ᭄ᬭ᭞ᬪᬶᬫᬓᬺᬢ᭄ᬢ
ᬢᬦ᭄ᬓᬭᬶ᭟ᬲᬮᬬᬫᬹᬓᬫᬶᬯᬄᬲᬂᬲᬗ᭄ᬓᬮ᭞ᬲᬫᬶᬫᬓᬧᬧᬢᬶᬄ᭞ᬓᬳᬦ᭄ᬤᭂᬮ᭄ᬭᬶᬂᬬᬸᬤ᭄ᬤ᭞ᬫᬫᬃᬕ᭄ᬕᬶᬲᬕᬺᬳᬦ᭄᭞ᬫᬗ᭄ᬮᬶᬗ᭄ᬕᬶᬳᬶᬦ᭄ᬤᭀᬓᬃᬫᬡᬶᬓ᭄᭞ᬩᬮᬦᬾᬓᬢᬄ᭞ᬫᬦᭂ
ᬕᬓᬶᬦ᭄ᬓᬸᬤᬲᬫᬶ᭟ᬢᬸᬗ᭄ᬕᬸᬮ᭄ᬜᬦᬾᬲᬫᬶᬳᬦ᭄ᬢᬸᬓ᭄ᬩ᭄ᬮᬸᬮᬂᬫᬘᬦ᭄᭞ᬫᬶᬯᬄᬫᬸᬯᬦ᭄ᬜᬦᬾᬓᬭᬶ᭞ᬩᬸᬗᬸᬢ᭄ᬜᬜᭂᬩᬓ᭄᭞ᬢᭂᬫ᭄ᬧᬸᬄᬳᬗᬶᬦ᭄ᬗᬸᬮᬾᬧᬢ᭄᭞ᬭᬓ᭄ᬱᬲᬢ᭄ᬭᬸᬡᬗᬸᬗ᭄ᬓᬸᬭᬶᬦ᭄
ᬦᭂᬕᬓᬶᬦ᭄ᬚᬭᬦ᭄ᬧᬗᬋᬧ᭄ᬜᬧᬶᬢᬸᬂᬢᬮᬶ᭟ᬲᬶᬓᭂᬧ᭄ᬜᬦᬾᬢᬸᬫ᭄ᬩᬓ᭄ᬲᬫᬶᬫᬲᬲᭀᬘᬦ᭄᭞ᬫᬩᬩᭀᬭᭀᬓ᭄ᬫᬓᬲᬫᬶ᭞ᬳᬸᬢᬸᬲᬦ᭄ᬜᬦᬾᬳᭂᬫᬲ᭄᭞ᬮᬶᬬᬦ᭄ᬦᬾᬦᭂᬕᬓᬶᬦ᭄ᬕᬚᬄ᭞ᬓ᭠
[᭕᭔ 54A]
᭕᭔
ᬢᬄᬜᬦᬾᬓᬸᬢᬸᬲ᭄ᬢᬮᬶ᭞ᬓᬢᭀᬦ᭄ᬤᬸᬫᬶᬮᬄ᭞ᬫᬗᬗ᭄ᬕᭀᬲᬲᭀᬘᬦ᭄ᬲᬫᬶ᭟ᬩᬧᬂᬜᬦᬾᬫᬢᬸᬮᬶᬲ᭄ᬕᬭᬸᬤᬜᭂᬩᬓ᭄᭞ᬗᬭᬾᬤᬾᬧ᭄ᬫᬗᬸᬮᬧᬶᬦ᭄᭞ᬮᬶᬬᬦ᭄ᬦᬾᬤᬸᬯᬂᬮᬓ᭄ᬱ᭞ᬲᬫᬶ
ᬫᬲᬶᬓᭂᬧ᭄ᬘᬓᬺ᭞ᬦᭂᬕᬓᬶᬦ᭄ᬳᭀᬦ᭄ᬢᬫᬢᬶᬦ᭄ᬤᬶᬄ᭞ᬓᬤᬶᬲᬕᬭ᭞ᬫᬗᭂᬩᬸᬕ᭄ᬫᭀ᭠ᬫ᭄ᬩᬓᬦ᭄ᬢᬶᬢᬶᬭ᭄᭟ᬲᬕᭂᬋᬳᬦ᭄ᬋᬓᬾᬗᬫ᭄ᬩᬄᬭᬶᬗᬵᬫ᭄ᬩᬭ᭞ᬢᭂᬓᬦᬶᬂᬤᭀᬓᬃᬜᬲᬫᬶ᭞
ᬕᬚᬄᬫᬶᬯᬄᬚᬭᬦ᭄᭞ᬓᬤᬶᬕᬸᬍᬫᬾᬜ᭄ᬭᬫ᭄ᬩᬶᬬᬄ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬓᬧᭂᬢᭂᬗᬦ᭄᭞ᬓ᭠ᬤᬶᬓᬗ᭄ᬓᭂᬩᬦ᭄᭞ᬚᬕᬢᬾᬫᬓᬲᬫᬶ᭟ᬢᬸᬢᬸᬧ᭄ᬕᭂᬮᬸᬂᬫᬶᬯᬄᬩᬚᬸᬦ᭄ᬜᬤᬸᬫᬶᬮᬄ᭞ᬗᬭᬾ
ᬤᬾᬧ᭄ᬫᬗᬸᬮᬧᬶᬦ᭄᭞ᬬᬦ᭄ᬧᬤᬾᬲᬯᬗᬂ᭞ᬓᬤᬶᬧᬲᬶᬳᬾᬗᬫ᭄ᬩᬭ᭞ᬲᬜ᭄ᬚᬢᬦᬾᬮ᭠ᬜᬶᬂᬮᬜᬶᬂ᭞ᬓᬤᬶᬓᬳᬂᬜ᭞ᬧᬘᬸᬭᬾᬗ᭄ᬕᬄᬢᬚᭂᬧ᭄ᬲᬫᬶ᭟ᬓᬤᬶᬳᭀᬫ᭄ᬩᬓ᭄ᬗᬭᬸᬤᬸᬕ᭄ᬩᬮ
