[᭕᭙ 59B]
᭕᭙
ᬗᬶᬂᬕᬮᬓ᭄᭞ᬲᬳᬫᬜᬾᬭᬾᬢ᭄ᬕᭂᬢᬶᬄ᭞ᬲᬶᬂᬓᬘᬸᬦ᭄ᬤᬸᬓ᭄ᬲᬾᬤ᭞ᬓᬢᬄᬤᬾᬯᬢᬓᬧᬸᬗ᭄ᬕᬮ᭄᭞ᬓᬢᬶᬕ᭄ᬢᬶᬕ᭄ᬢᬸᬃᬓᬳᭂᬮᬸᬂᬮᬸᬗᬶᬦ᭄᭞ᬯᬾᬦ᭄ᬢᭂᬦ᭄ᬓᬩᬓ᭄ᬱ᭞ᬧ
ᬓᬮᬾᬚᬢ᭄ᬓᬕᬸᬢ᭄ᬕᬸᬢ᭄᭟ᬧᬘᬭᬾᬢ᭄ᬘᬾᬢ᭄ᬕᭂᬢᬶᬳᬾᬭᬶᬂᬮᬫ᭄ᬩᬾᬦ᭄ᬳᬶᬥ᭞ᬭᬯᬸᬄᬭᬶᬂᬥᬥᬲᬫᬶ᭞ᬩᬭᬓ᭄᭞᭞ᬩᬳᬦ᭄ᬭᬄ᭞ᬫᬓᬮᬸᬂᬩᬲᬂᬩᬲᬂ᭞ᬓᬤᬶ
ᬓᬮᬦ᭄ᬢᬓᬓᬳᬓ᭄ᬱᬶ᭞ᬧᬭᬤᬾᬯᬢ᭞ᬭᬭᬸᬤ᭄ᬢᬦ᭄ᬧᬵᬦᭀᬮᬶᬄᬓᬸᬭᬶ᭟ᬲᬗ᭄ᬳ᭄ᬬᬂᬬᬫ᭄ᬫᬩᬭᬹᬡᬫᬶᬯᬄᬓ᭄ᬯᬾᬭ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬫᬓᬤᬶ᭞ᬤᬰᬮᭀᬓᬧᬵᬮᬵ᭞ᬲ᭠
ᬫᬶᬢᬦ᭄ᬧᬸᬭᬸᬦ᭄ᬫᬢᬗᬄ᭞ᬲᬂᬤᬳᬶᬢ᭄ᬬᬧᬢᬶᬗᭂᬧᬸᬗᬶᬦ᭄᭞ᬲᬸᬫᬶᬗ᭄ᬓᬶᬦ᭄ᬕᬮᬓ᭄ᬫᬗᬫᬸᬓ᭄ᬫᬗᬸᬩᬢ᭄ᬳᬩᬶᬢ᭄᭟ᬲᬗ᭄ᬳ᭄ᬬᬂᬖᬡᬳᬶᬤᬦᬾᬫᬗ᭄ᬓᬶᬦ᭄ᬫᬜᬶᬗᬓ᭄᭞ᬧᬭ
[᭖᭐ 60A]
᭖᭐
ᬤᬾᬯᬢᬦᬾᬮᬶᬮᬶᬄ᭞ᬮᬗ᭄ᬓᬸᬂᬏᬭᬂᬧᬶᬲᬦ᭄᭞ᬢᬸᬫᬸᬮᬶᬳᬶᬤᬗᬋᬧᬂ᭞ᬓ᭄ᬭᬸᬭᬯᬃᬡ᭄ᬦᬦᬾᬜ᭄ᬚᭂᬚᭂᬳᬶᬦ᭄᭞ᬓᬃᬡ᭄ᬦᬦᬾᬮᬸᬫ᭄ᬩᬂ᭞ᬧᬢ᭄ᬧᬢᬗᬦ᭄ᬳᬶᬫᬮᬶᬄ᭟ᬧᬜᬶᬗᬓᬦ᭄ᬳᬶᬤ
ᬢᬢᬶᬕᬤᬸᬫᬶᬮᬄ᭞ᬗᭂᬜ᭄ᬘᭀᬭᭀᬂᬓᬤᬶᬢᬢᬶᬢ᭄᭞ᬳᬕᭃᬂᬭᬕᬦ᭄ᬳᬶᬤᬚᬢᬶᬗᭂᬩᭂᬓᬶᬦ᭄ᬳᬫ᭄ᬩᬭ᭞ᬓᬤᬶᬓᬮᬫᬺᬢ᭄ᬬᬸᬓᬳᬓ᭄ᬱᬶ᭞ᬕᬮᬓ᭄ᬗᬋᬧᬂ᭞ᬘᭀ᭠
ᬘᭀᬭᬾᬜᬜᬧ᭄ᬢᬹᬃᬮᬜᬶᬂ᭟ᬫᬶᬚᬶᬮ᭄ᬕᭂᬦᬶᬲᬓᬾᬂᬧᬜᬶᬗᬓᬦ᭄ᬳᬶᬤ᭞ᬤᬸᬫᬶᬮᬄᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬢᬫ᭄ᬩᬸᬮᬾᬧᬜ᭄ᬚᬂ᭞ᬫᬕᭃᬂᬍᬫᬸᬄᬫᬕᬾᬮᭀᬳᬦ᭄᭞ᬓᬤᬶ
ᬢᬓ᭄ᬱᬓᬓᬳᬓ᭄ᬱᬶ᭞ᬘᭀᬓᭀᬭᬾᬤᬤ᭄ᬯ᭞ᬓᬤᬶᬕᬸᬦᬸᬂᬓᬫ᭄ᬩᬃᬓᬳᬓ᭄ᬱᬶ᭟ᬩᬮᬤᬳᬶᬢᬶᬬᬳᬓᬾᬄᬧᬥᭂᬫ᭄ᬓᬧᬸᬳᬸᬦᬂ᭞ᬯᬾᬦ᭄ᬢᭂᬦ᭄ᬓᬚᭂᬓ᭄ᬚᭂᬓ᭄ᬧᬶᬘᬶᬮ᭄᭞ᬤᭂᬓ᭄ᬤᭂᬓ᭄᭠
