4
suruhay sa dagat abong quiminolop,
darodara cadtong macosog na doros.
An cabalaquidan gnaning magna tauo
na nagmamarasid can bagay na idto;
garong nainaan labing sentimiento
nin si cahandalan, na con baga pano.
Na an iba gnaning magna horophorop,
hinihi!om sana sa irarom nin boot;
con an buhay gnaya, panaleng matapos,
calag co herac man sia sa pagtios.
Pirit capiritan na mapapahamac,
nin huli sa sala sacong pinaglapas;
pagcuyog sa gusto nin basang na hauac,
sa gnonian an calag sia sa pagbayad.
Sa di maninigo na pagdamay-damay
nin calag, hauac co digdi sa quinaban;
dai man matanos an masasagcoran,
cabayad can guibong magnabasangbasang.
Tara idtong iba na dulag na tauo,
an sa honahona iba man na gayo,
pag-abta nin gotom nag-aaborrido,
huling naobos na darang paragasto.
Magna mag-arama asin mrg-aragom,
Nagsisinolsolan ta daing cacanon,
aram mo na, gnaya, carga co matagom,
dai mo binitbit si bagas sa bacol.
Pagca dal gnayang, sopog cang totoo,
daing caogaléan sa capua tauo;
narasag ca sana na mag-aborrido,
sa baco mong harong, sadiring estado.
Simbag nin lalaqui anong dai, gnaya,
ica pagsolsolon ta dai nin dara?
pano mong condiman guranong halaga,
na di mo pinatos si tolong ochava,