5
Tara idtong iba gnaning magna tauo
nagtorotiripon duman sa tinampo,
nagtatarahob pa nin panyo sa payo,
gnaning di mapuling nagholog na abo.
Fecha veintisiete nin domingong aga
na dagnan caidto nin pacapagsimba,
an señor Cuadjutor nin Legasping banua,
naglacao pasiring sa luas nin plaza
Casonod man sana teniente Sindico,
an sargento asin magna cuadrillero,
anan sinda gabos nagcacarabayo
ta magvivisita an saindang tuyo.
An senor Cuadjutor, dai nag-aguanta
sagcod pa an juez na naguin caiba,
pag-abot sa Pandan nagbalic sa banua
nin huli sa abo, samog sabihon pa.
Tara an teniente asin an sargento,
sagcod sa caibang magna cuadrillero,
nagdagos sa Libog ta boot na gayo,
ma-araman ninda nagadan na tauo.
Tara an bareta ninda can pag-balic:
sobot dao, inabot gabos na lugares:
na sa herac gnaya, halangcao na lagnit,
gadan sa Legaspi solo animales.
Con dapit sa tauo dai mayo lamang
na nasompong cami, masqui sarong gadan,
menos an cabayo, magna cabacahan,
damulag man, orig torotong nang anan
Caidto man sana nin si pacadagnog,
cadtong ibang tauo may sadiring hayop,
huling pagnanogon naghahapothapot
sa sarong Justicia, na con itotogot.
Descarnehon ninda na paquinabagnan
balaquid na tauo na may cagotoman,
