6
sarong nanonognod daing caliuagan,
togot sa may gusto na boot magcacan,
Ay, tara sa Libog baretang pahayag;
balaquid an tauong torotong an hauac,
Sa nasasacupan na limang visitas,
dai mayo lamang nin sarong naualat.
S. Isidro asin barriong S. Antonio.
Santa Misericordia patin Santo Niño
Sagcod sa S. Roque dai mayong gayo
na nasompong cami nin buhay na tauo,
Magna caharognan tanao nang padagos,
ta nasolo cadtong calayong macosog,
tara an S. Roque linaglag nin doros,
na dagnan tahoban can abong mahibog.
An samuya, gnaya, na magna calculo,
con dapit caidtong garadan na tauo,
si dai inabot caidtong calayo,
napoot can baybay asin magna abo.
An oson pag-abot haraning Simbahan,
dai na nagdagos na nagcasuruhay,
na sa magna calle duman nagdalagan,
patanos na sagcod cadtong cad»gatan.
An aldao na ini sinabi nang fecha,
iyo nang pagpuli can ibang nagfiesta
sa banuang Tabaco na pacapag-misa,
Nag-isip maglacao ining duang Cura.
Padre Roque asin padre Victorino,
Sagcod sa caiba cocherong Ciriaco,
pag-abot sa Libog namongnan totoo
pagcahiling ninda torotong na tauo,
Lacao nin carruaje luayluay lamang
gnaning di maliguis idtong magna gadan,
si may guinhaua pa nindang na-aguihan,
tolos tolos gnaning pinacoconfesal.