— 2I —
—Agtalna ka ína ta in-nak kenka saritaen, dawatek á saanka á maklaat, ta awan ania-man.
Rinoguiak á sinarita ket isù nagtamed á nagdengueg.
—Kadawyan ti agbiag ditoy rabaw ti dagá, saan á duaduaen nga iti tao agbiag ken ayat; tao nga awan es-semna ken pintas arignat' bato á pamulinawen, wen-no nagdutdot ti pusona; anansata, maysaak kadaguiti parsaa ti Dios á natalungadingan ti rikna ken panunot, diak man mabalin á labsingen ti linteg nga impabaklay na kadaguiti tao, gapuna á siak inaremko ti maysa á balasang a napintas ditoy ili, ñgem maysa á banag iti makatipa ti panagtungpal mi, ta ni amana in-na inkari ñga uray aniat' maararamid dinanto ipatulok. Day toy & balasang isut' anak ni apo "Capitan" nabak nang ditoy ili; ket daytoy napanglaw a kasasaad tayó ñga agbiag isut' puon ken gapuna ti dina pañgitulokan iti panguep mi. Gapúta awan pañgalkalapkapan ni Maming á in-na pañgayayo ken amana napanunot na ñga in-nak idiay Manila, in-nak agadal ta no makagunodakto ti gasat, ket no balañgat ni sirib, isang petkonto nga iroknoy kadaguiti arpad-da á natan-òk, nalabit ñga iti tartarigagayak maragpatkonto á saan nga agkurang, Wen, ina, narikut á pampanunoten ti isisinak dita sibay yo, ni ladiñgit salbaguen-na toy pusok, ñgen ¿ania ti mabalin nga aramiden no isut' gasat ko á nay yanak? awan iti pabasulek á sabali no saan ñga iti langit á puon daguitoy á kapayak; gapuna ina dika lumdaang,
