— 40 —
Limá ñga aldaw ti bayagmi á naglasat iti ta-aw sa kami nakadanon idiay Manila.
Apaman á nakaserrek daydi sasakayan idiay karayan Pasig, ti apo "Arraez" inayabannak ti ayan-na, ket kinona kaniak:
—Manuel, buyaem itá daguiti agkakatayag á bal-balay, isut' pagnaedan daguiti papadi á "Fraile" á mañgituray iti bagui ken kararwatayo. Makitam ita ti Manila, ili ni imbag ken dakes, sidong ti pintas ken ti laad, dagá á pagtalinaedan daguiti awanan kapanglawan ditoy lubong. Ditoy. nga ili dikanto masarakan ti talna, binig á daguensen; ti saan ñga agkutí agnanayon á maudi, ket ti saan ñga agsalukag dinto met agbiag: itá Manuel, ta nakasangpet tayo ditoy tartarigagayam á pagyanan, reb-bengmo á baliwan ti kadawyam, ket tandaanam daytay "refran" ti "castila" "El que no sabe bailar el fandango es un tonto" no iyulog ti saó tayo kunana: "ti saan-na nga am-mo á salaen ti pandang-go nanengneng". Alá itá tá nakasangpet tayo mabalinmo iti apan agsapul iti paguianam ket mabalinmo ti agsubli ditoy, anansata saan kami pay ñga agáwid.
—Wen áma, utangko á diakto kalipatan ken mabaybayadan uray kaanoman ti nalaus unay ňga asi ken ayatyo kaniak.
Inab-kak á siraraem ti imana; napanko in-nala ti kal-lugongko idiay uneg ti "Camara" saak bim-mangkag.
Apaman nga ad-daak ti sangát, na-ngayabak iti maysa á lugan ta ituludnak idiay "Universidad. de Sto. Tomás.'
