IV.
adda lumtaw kadakuada à nasayaat nga
ulidan, utang à panunoten ti tumung-gal
tao. Maipakita unay á pudno kadaguitoy
binulong, no adda ragsak, no adù ti nabuybuya nga agkakaim-nas à sab-sabong, sumangkaadu met daguiti natarumamis à siit à mapayat kadaguiti nagbabaetanda, ket adadda ti maapit á kinadaksangasat no saan à maal-luadan.
Ni Manuel, bayat ti tiempo â panagayanayatda ken Maming, impagarupna toy dagà à kas namayenmeng ken nakaayayo á "Paraiso" ¡ay! ngem dimteng ti nakalaliaw nga horas nga iti ked-deng Binagbalin-na à ngi-oat ti revolver.....
Mapaneknekan kadaguiti sao ni Manuel à ti sak-klang ti Dios, sak-klang ti lintèg ken sak-klang ni ayat, awan nabaknang, awan napanglaw, awan nangato. awan naba bá; padapada amin ti tao.
Usiguen ta panunotmo, naayat nga agbasa, no aniat, napatpateg à reb-heng ti maysa nga inanak ken inana wen-no ti kasimpungalan ti ayat ken kararwana.
Luktam ugaruden toy á pagbasaan,
tapno agpen-nek-ka kadaguitoy sinaok.
Pedro Carino Tapia.
Manila, 1909.
