Page:Biag ti maysa a lakay wen-no naka-am-ames a bales.pdf/80

— 74 —

ket in-na man ab-bukayen ti kararwa tapno
agtalinaed ken ragsak.... Ti langit awan
uray apagkanito man ñga ulep á nangisit á
inangpiltak ti sináw-na .....Ti pintas ti
lubong no bulan ti Mayo awan ti makapada;
jay! kastat kararwa ti tao no awan kenkuana
ti dukot; binig á saniata á natarnaw ti agparang.
kadaguiti mata ken nalamujot á payak ti nadiosan
á nam-nama ti umappayaw ditoy rikna ¡Nagasat
á nay-yanak ti agnanayon nga awan dnkdukoten-
na!......
 Lima nga aldaw ti bayagmi á naglay-layag;
agsapa unay idi ngan-ñgani dumanon idiay pun-
duan daydi punting. Diak man ket nalapdan
Carlos ti imkis ti nalaus unay á ragsakko idi
in-nak makita ti daga á nakay-yanakak.
"Ilik ñga ay-ayatek, ti nangina á ladawan
dintoman maunas ditoy isipko, ta sika awan
sabali ti nangsak-klolo kaniak idi mala-
dagaakpay; ti nalamiis á kasaor nga aglabas
kadaguiti kamuymuyongam, ket nasaniata nga
irairna isut pinang daw-daway-yam kaniak no ti
turog dinak piman balayan. Timudem ay-ayatek
nga ili, toy napanglaw á daniwko nga in-nak
kenka itá iroknoy,',
   "Arigmot sabong á napintas
   ti Jericó á napanayag,
   Ay-ayamen daguiti Diosas
   Ti rabiynalausan silnag
   Ti langit á natarnaw
   kenka, nga umapappiraw