This page has been proofread.
- VISIONS ............................ 99
- Pourtaint, eun' jorné' qu' dins s' gloriole
- A l'aise y s' prom'not pa chés qu'mins,
- Vlà qu'y s' trouve in face eune école
- Rimpli' d'eun' quaintité d' gamins :
- Ch'étot l'heure où dins l' classe ch' maîte
- Apperdot à chés tiols infaints
- Qu' l'ivress' rind ch' l'homm' pire qu' cheull' biête
- Et qu'mint fuir tous maudits pinchaints.
- Pis, d' lon intindaint de l' musique,
- Y cueurt curieux et vient s' buter
- A l' portt' d'eune églis' catholique
- Bondé' d' gins v'nus pour acouter
- Ch' curé qui de s' cayèr' prêchoire
- Les suppliot d' prier l' bon Diu
- A l' fin qu'y faiche impêcher d' boire
- Cheull' boisson pus terrip' que ch' fu.
- Et Lucifer tout comme ch' lâche
- Qui file s' mucher d'vaint l' dainger,
- D'vinaint d's enn'mis, s'importe, s' fâche
- Et s' sauv' dins un coin pour songer.
- Mais là de s' peur riaint comm' quate,
- Ravisaint ch' mal fait pa s' boisson,
- Asseuré qu' rien n' porrot l' combatte,
- Disparut pus gai qu'un pinson.
- — — — —
