This page has been proofread.
13
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᏰᎸᏐ ᏂᏚᎾᏙᏓᏈᏒ ᏧᏂᎳᏫᏨᏍᏗᏱ, ᎥᏝ ᎠᎴ ᏫᏥᎾᏬᎨᏍᏗ ᏫᏥᎷᏨᎭ ᎬᏩᏁᎵᏍᏗ ᏱᎦᎩ, ᏦᏏᏳᏰᏃ ᎠᎴ ᏧᎦᎾᏫᏳ ᏓᏓᏁᎶᎢ. ᎯᎠ ᎢᏅ ᏥᏂᎦᏔ. ᏧᎦᏌᏔ ᎪᏙᏗᏱ ᏥᏅᏩᏍᏗ, ᎾᎿᏂ ᎤᎭᎸᏂᎯ ᎦᏙᏗᏱ. ᎢᏳ ᎿᏉ ᎠᏍᏆᎸ ᏧᏂᎳᏫᎢᏍᏗᏱ ᎩᎶ ᎠᏥᏁᏤᎸᎯ ᎤᏂᎧᎰᎢ ᎣᏍᏛ ᎢᏳᏩᎿᏕᎩ ᏗᎦᎳᏫᎢᏍᏗᏱ, ᎾᏍᎩᏃ ᎦᏃᏴᎵᏍᏗᏍᎪ ᎤᎭᎸᏂᎯ, ᎠᎴ ᎾᏍᎩ ᏕᎪᏛᏍᎪ ᎪᎳ ᎠᎴ ᏧᎦᎾᏩ ᏂᏚᏩᏃ ᏓᏂᎳᏫᏦᎦ. ᎾᏍᎩ ᏱᏂᏓᏛᏁᎭ ᏗᎩᎳᏫᎢᏍᏗᏱ ᎤᎾᏙᏓᏆᏍᎬᎢ, ᎾᏍᎩ ᏱᏂᎦᎥ ᎤᎵᏍᎨᏛᏯ ᏱᎩᏰᎸᎭ ᎤᏁᎳᏅᎯ ᎤᏤᎵᎪᎯ ᏗᎦᎸᏫᏓᏁᏗ ᎨᏒᎢ. ᏅᎾᏙᏓᏆᏍᎬ ᎢᎦ ᏂᎩᎸᏉᏛᎾ ᏱᎩ, ᎠᎴ ᏂᎩᎸᏉᏛᎾ ᏱᎩ ᏗᎩᎳᏫᏨᏍᏗᏱ, ᎠᎴ ᎢᎦᏁᎳᏅᎯ ᏁᏗᎸᏉᏛᎾ ᏱᎩ, ᎥᏝ ᏴᎨᎩᎸᏉᏓ ᎢᎦᏁᎳᏅᎯ.
ᏒᎦᏔ ᏓᎾᏕ ᎠᏂᏧᏣ.
ᏂᎬᎾᏛᏉ ᏅᏩᏍᏗ ᎣᏏᏳ ᏧᏛᎯᏍᏗᏱ ᏱᏗᎦᎧᏅ ᏒᎦᏔ, ᎢᏅᎯ ᎬᏩᎾᏓᏍᏕᎸᏗ ᎣᏍᏛ ᏳᎾᏓᏔᏅ. ᎣᏩᏒ ᎣᎵᏍᏓᏴᏗ ᏲᏰᎸᎭ ᏗᎧᏲᏔᏅᎯ ᎤᏟ ᎠᏃᏏᏳ, ᎠᎴ ᎤᏟ ᎪᎯᏗᏳ ᏗᎬᏍᏆᏂᎪᏙᏗ.
