This page has been proofread.
14
ᎠᏂᏣᎳᎩ ᏧᎾᎴᏅᏙᏗ ᏧᎾᏕᎶᏆᏍᏗ.
ᏗᎦᎾᏗᏅᏗ ᎠᎴ ᏲᏰᎸᎭ ᏗᎧᏲᏔᏅᎯ ᎤᏟ ᏂᎦᎥ ᏧᎾᎬᏩᎶᏗ. ᎠᏂᏤ ᎠᏗᎾ ᎾᏍᏉ ᎤᏂᎦᎾᏏᏳ, ᎠᎴ ᎾᏍᏉ ᏰᎵ ᏧᎾᎬᏩᎶᏗ. ᎠᎴ ᏧᏈᏯᏉ ᏳᎾᏓᏔᏅ, ᏏᏆᏉ ᏱᏓᎨᎳᏍᏗᎭ, ᎤᏣᏘ ᏚᏂᎦᎾᏏᎭ ᎠᎴ ᏓᎾᎵᏦᎲᏍᎦ ᏒᎦᏔᏉ ᏓᏂᎩᏍᎬᎢ. ᎯᎸᎯᏳᏃ ᏒᎦᏔ ᎠᏗᏔᏍᏗ ᎠᏃᏢᏍᎪ ᎩᎶᎢ. ᎠᏎᏃ ᎥᏝ ᏱᎣᎯ ᎾᏍᎩ, ᎠᏓᏴᏍᏕᏍᎩ ᎢᏧᎳᎭ ᎢᎨᏐᎢ, ᎯᎸᎯᏳ ᎠᏓᏴᏍᏕᏍᏗᏍᎪᏉ.
Ꮎ ᎠᎨᏴ ᏕᎦᏁᎩᎡ ᏩᎦ. ᎣᏏᏳ ᎦᎾᏢᏗ, ᎤᏓᏅᏘᏳ—ᎠᎨᏴᏉ ᎾᏍᏉ ᏗᎬᏩᏁᎩᎡᏗ, ᎠᎴ ᎠᏧᏣ ᎠᎴ ᎠᎨᏳᏣ ᎾᏍᏉ ᏗᎬᏩᏁᎩᎡᏗᏉ ᎾᏍᎩ ᏂᎦᎥ ᎤᏓᏅᏔ; ᎠᎴ ᎤᏅᏗ ᎤᎦᎾᏳ ᎠᎴ ᎪᎢ ᎪᏢᏅᎯ;—ᎠᏎᏃ ᎣᏍᏛ ᎧᏁᏐᎸᏍᏙᏗ ᎤᏅᏗ ᎦᏓᎭ ᏂᎨᏒᎾ ᎢᎬᏁᏗ, ᎠᎴ ᎪᎢ ᎣᏍᏛ ᎫᎯᎶᏍᏗ ᎾᏍᏉ ᎦᏓᎭ ᏂᎨᏒᎾ ᎢᎬᏁᏗ, ᎾᏍᎩ ᎢᎬᏁᎸᎯ ᏥᎨᏐ
