This page has been proofread.
24
ᎠᏛᏛᎲᏍᎩ.
29 ᎦᏙᏃ ᎠᎾᏛᏁᎰ ᎤᏙᎯᏳᎯ ᎠᏃᎯᏳᎲᏍᎩ? ᎥᏝ ᎠᏃᎯᏳᎲᏍᎬᏉ ᎤᏩᏒ ᏱᎨᏐᎢ, ᎤᏲᏍᎩᏂ ᎤᏂᏰᎸᏐ ᎤᏂᏍᎦᏅᏨᎢ, ᎠᎴ ᎤᏂᎨᏳᏐ ᏥᏌ, ᎠᎴ ᎤᏂᏍᏆᏂᎪᏙ ᎤᏁᏙᎸᎢ.
30 ᎦᏙᏃ ᎤᏛᏁ ᎤᏁᏨ ᏥᏌ? “ᎯᎨᏳᏎᏍᏗ ᏱᎰᏩ ᏣᏁᎳᏅᎯ ᏂᎦᎥ ᏣᎾᏫᏱ, ᎠᎴ ᏂᎦᎥ ᏣᏓᏅᏙ, ᎠᎴ ᏂᎦᎥ ᏂᏣᎵᏂᎬᎬᎢ,” ᎠᎴ “ᎾᎥ ᎢᏗᏍᏓᏓᎳ ᎯᎨᏳᏎᏍᏗ, ᏨᏒ ᏂᏣᏓᎨᏳᏒ ᎾᏍᎩᏯᎢ.”
31 ᎾᏍᎩᏉᏍᎪ ᏂᎦᎡ ᎤᏁᏤᎢ? ᎥᏝ, ᎾᏍᎩᏍᎩᏂ ᎯᎠ ᏄᎬᏫᏳᏒ ᎤᎵᏁᏨᎢ, ᎾᏂᎥᏃ ᎠᏂᏍᏆᏂᎪᏗᏍᎩ ᎾᏍᎩ ᎯᎠ ᎤᎵᏁᏨᎢ, ᎾᏍᏉ ᎤᏂᏍᏆᏂᎪᏗᏳ ᎨᏐ ᏂᎦᎥ ᎤᎵᏁᏨᎯ ᎾᏍᎩ ᎢᎦᎢ ᎠᏂᎦᏔᎲᎢ.
32 ᎦᏙᏃ ᏧᏁᏗ ᏥᏌ ᎦᎶᏁᏛ ᎬᏬᎯᏳᎲᏍᎩ? ᎬᏂᏛ ᏧᏁᏗ ᎠᎴ ᏅᏩᏙᎯᏯᏛ ᎠᏓᏅᏓᏗᏍᏗ ᏂᎪᎯᎸᎢ.
33 ᎭᏢᏃ ᏩᏁᎮᏍᏗ? ᎦᎸᎳᏗ ᏩᏁᎮᏍᏗ ᎤᏁᎳᏅᎯ ᎡᎲᎢ. ᏝᏍᎩᏂ ᎾᎿ ᎡᎯᏍᏗ ᎠᏓᏅᏓᏗᏍᏗ ᏰᎮᏍᏗ, ᎥᏝ ᎠᎴ ᎥᏳᎩ ᏰᎮᏍᏗ, ᎥᏝ ᎠᎴ ᎠᏲᎱᎯᏍᏗ ᏰᎮᏍᏗ, ᎥᏝ ᎠᎴ ᎪᎱᏍᏗ ᎤᏲ ᎠᏰᎸᏗ ᎨᏒᎢ; ᏅᏩᏙᎯᏯᏛᏉᏍᎩᏂ, ᎤᎵᎮᎵᏍᏗ, ᎠᎴ ᎠᏓᎨᏳᏗ ᎨᏒ ᎤᎧᎵᏨᎯ ᎨᏎᏍᏗ.
5000 copies.
