24
Kije Maniton. Mi gaie eji 8a8indamati8agobanen epitc manatak patato8in, epitc cingenindang Tebeniminang, gaie ij inenindag8ak kitci 8i 8anisidjikatek kekon ka iji patatinani8angin. Tasin maiani-kijigatinikin kopese8igoban, pinama ako kotakihitizogoban, nanekatcihitizogoban, 8in gotc tibina8e pasanjehotizogoban. Apitc dac k8apese8idjin i pimi 8indama8âtc Jezosan ot anokitaganini patato8inensan 8aiakickagogobanen, ma8igoban, ikitogoban : makatc ka totamân, i ki an8eta8ak ka kijenimitc, ningi nickiha ka iag8acimitc, ni kitci gitimagis, anin ke totamân kitci kakizomak ?
Mi dac i misa8enindang inenindam : kekona ki kikenimak Jezos kitcit8a Osti8ining. O 8indama8an dac k8apesendamagodjin enenindang. 8in dac o kikahaman apitcipanitc kitci kikenimanitc kitci pindikagonitc Jezosan. Apitci dac ki kitci aiang8amenindizo Katinin, inenindam : K8enatc apinas ninga 8a8ejita-
