(14)
Inia ping miras la qng Antioquiang reino inagad deng sidaad ing earelang bareo at pesisaca la sabla sablang tau ala la ring iquit qng aquia mang ninu.
Qng pamaglibut ua canitang sacayan ting bareong iquit na á lulutanglutang agad yang linucsu at layun migiulan saca ya quinaue't sinaca qng pampang.
Iniang misaca ne malaguang linacad melaus ne queta alang taeut sindac qng pamanlibut na queang pamaglulap mecaquit yang metung maragul á salas.
Ing salas á iti ing queang tucnangan cang Doña Adriana tune nang cayarian nun inia anti yang alang camalayan bagsic ning encanto yang maquilalang.
Atin yang asalat metung á lamesa dacal á pamangan itang macasadia qñg dagul na danup linucluc ne queta tau mu mang metung alang acaquit na.
At binendeciona'na qñg laguiu ning Dios at layu'neng mengan alang siudac tacut nanan cung pacaban cayari na cabud macamal yang tau ing quea dinurup.
Quea yang asalat agad neng atalan cang Doña Adriana ing gamat nang uanan ing tune laguiu na pilit nang cucutang buri nang abalu nung iya y Beltran.
