(31)
Pesilucluc la ngan at mipapamisan pati Emperador quetang Plaza real at' y Pantinople queti ya dinatang biñe nang tungcul na caring queang disan.
At layun miniabi nung mirin yang tulut qng Torneong pialung mábe ya at laue nganing Emperador cacung paintulut sillang maca-alal magape ca't lucluc.
Qng mesabing silla dinurup ne queta memugue ya pa mu báyu linucluc ya aquilala na ya nitang Doña Juana agad neng sinitsit cang Doña Adriana.
Ngana ping miniabi ampon mengamanu caca bugtungan ca uung uari't buri mu, mitacpan á aldo á penga'ning lau ngeni meaquit ya't sinilang á bayu.
Iniang y Adriana aquit ne't amatiag qñg y Pantinople á sinta na't liag maragul ya tula é mu jamacjamac anti murin carin ing quimta'nang palad.
Agad neng minutus iting Emperador dapta'nang Torneo carelang isulung ing quecong cayapan ipaquit yu layun ihg minunang lual iting Emperador.
Deta ning Principe ali no milaban queting Emperador á sari qñg tapang cayalimbaua na ding tigre qñg ilang quetang sengila'na anti yang manasan.
