(37)
Cabud que abalio macarayu ya pa tambing cu neng licsuan at Bingaban cu ya iniang misaque cu bitasang ala ya timon man ó bacse á gamitan sana.
Iniang saque cu pin inagad nang tiniup ing angin at uran á catacut-tacut dagul ning misterio telaga ning Dios sasaquen cung bote cabud na na limbug.
Qng cacung pangalbug nanu cu carasan mibabad qñg danum at taung danupan cacu nang inain qñg Dios á malam Ini nang bie cu't caladuang ingatan.
Queti cuĦ minaus ampon piguisan pa pamanauad tauad qñg Dios banua saca cu simbitla laguiu mung Adriana at macanian mu rin ing cang Doña Juana.
Yang mepaliari qñg pamidaing cu qñg miaring parusa á cacu binie mu mecabuladbulad ating aduang turco ila ding sinaguip at minijag cacu.
Guinapus da na cu at layun telian detang aduang morong lilu at sucaban baquet ding gamat cu tutu na lang tical inuli ra cu't tigpus qñg Turquiang cayarian.
lniang mimasmas cu ampon milacad pa carin da cu pinue quetan suculan da ba'cung é mitacas canitang ucul da at maco magliman qñg cayarian Turquia.
