(38)
Iniang masucul cung mapilan dumingu miuma'nang sinubli ing sican tapang cu cacung aisipan yang lesacan cu ing rejas á bacal at carcel á batu.
Iniang malasac ne queti cu linual na ita ning Alcaide biglang tinagal ya peluca que buntuc qng talan cung reja misalbag ya utac at layun mete pa.
Cabud ding abe na iquit da't amatan linua'lang inagad ding taung queraclan pisaup da na cung pequilabanan apate cong sabla ala nang mitagan.
Iniang aquit na ia Princesa Celima calat lang bangque ra detang sundalus na pig amuamu na at pequisabi pa patauad cu canu caretang campung na.
Caniti mepaui ing muang deralan uli nang Celima qng tauad nang bingcal inaniaja'na cu torre nang tucnangan ing nasa na't pita cacung inusigan.
lniang miras na cu ampon mipanic na panabluca'na cu quetang añaya na at layun panaruap ing carin tucnang na ing pusu cu at lub ali ayuyut na.
Inia ping aquit na qñg é cu panangap quetang añaya nang canacu na gagcas ya ing depat na legue neng inagad paingat nang espada ning ibpa nang liag.
