- ( 13 )
Pangasabi niti agad tinicdo la
aliuang Ministros pesipanlapit la
macanian mu naman itang pigsulit da
queting macatrono matas-á Sultan da.
Qng iquit nang ita micacunu ya lub
itang macaguising á mipapatudtud.
qng angang biru ra meniualang lubus
qng iya't é aliua ing Sultan á bantug.
Itang Ministro ra deta ning ucuman
agad neng inaus layun inutusan
paracap na la ding micacaluguran
á apat á lilung queang picasaman.
Libutad ning Plaza agad yong idala
tambing yung ilaco ita ning baru ra
carin yo pisaupan at pamarugan pa
angang é dumaya itaning balat da.
Caibat dang mebarug isaque yong biglan
caring burrong apat ayat á catauan
saca yo ilibut quilub ning cayarian
qñg ban deting apat ba'rong panumisan.
Itang inutus na malaguang linacad
mesabing parusa ban marapat agad
qng tune Sultan da tambing yang minarap
queang isanguni nung sucat yang tupad.
Ing pequibat na Ua ning tune rang Sultan
pablasang binie cu sablang cayupayan
qng utus nang Abu ing alang salangsang
angang ing corona queang puputungan.
