- ( 14 )
Minaus ne naman penandit mung ditac
ing bibirung Sultan ting cetro qng gamat
y Giafar á Visir linapit yang agad
itang yuyutus na ba'nang atalastas.
Ngeni mu rin ngana ing guingcas nang Abu.
queca yang daquitan itang Tesorero
at quea mu sabian ing marap ya cacu
at antin yang yutus ing Sultan yung guinu.
Itang Tesorero tambing yang minarap
niti nan ping Abu inutus nang agad
qng pangatlung dalan ning quecatang ciudad
ing indu nang Abu queca yang atuclas.
Libung onzang guintu ing quea mu dalan
nga mu papatad no ning matas á Sultan
pablasang y Abu á anac nang irang
cacaluguran ya't binang pacamalan.
Itang miutusan queti ne linacad
ing indu nang Abu penintu'neng agad
quea ya ping iquit é naman meliuag
ing utus ning Sultan malaguang metupad.
Mapepenandit mu yang paniatang na
ning Ministrong ucum qñg Plaza ibat ya
at canitang Abu tambing minarap ya
ngana ping migsulit guinu cu damdam ca.
Ing queca pung utus ó matas á Sultan
atuparan cu pu at ali mebalam
detang taung lilu lunu la catauan
ing sugat da't láte ali pu mabilang.
