- ( 16 )
Ing metung carela tambing yang linapit
metung ya ping Dama at nganang migsulit
manga'na ca pa pu ó Monarcang lauit.
cabang titigtig que ampon pang daralit.
E cu macapangan ing binte nang Abu
á nung icong sabla é ra co casulu
ing binte ning Dama ó Monarcang guinu
alang pangasira ing mal á utus mu.
Damang pequisabian inaus nong agad
detang cayabe na.layun pepabatas
ing cayadua'na ning Sultan á matas
qñg mal á aniaya paua lang tinupad.
Migcacanuari lang maquisulung miagnan
detang sablang Dama qñg matas á Sultan
dapot pigsilbian de carelang depatan
quetang sablang bague ita ning mamangan.
Aliua babie ra cang Abu ing alac
ding aliua naman ulam á manĝayap
at ating pepepe at maquisabing tapat
quetang bibiruan dang á Sultan á matas.
Ita ning bibiruan é na balung daptan
dagul ning tula nang é na sucat sabian
qng miliaring iti é man mecapangan
anti ya mong mibsi mamataja'no nĝan.
Yang aisip na ing pangutna'na la
ing laguiu ra't bansag detang sablang Dama
binte na ning metung ing cacu yaus da
Tala na ning abac ding sabla baluan da.
