- ( 23 )
Metung á hospicio carin da ne dela
deta ning dinacap mipauang justicia
ali ra picabiang quiac nang indu na
at pamaquisabing lacuan da ne sana.
Mesabing hospicio miras ya't dinantic
ing bigung mamulang macataling lubid
quelagan de gapus inalilan tiquis
quetang talicala qñg asu pinaris.
Saca re inurud tuntuc na quinantu
Sultan á bibiru á bigung y Abu
abac gatpanapun ing queang oficio
mapucpuc yang bunut at manibag batu
Pablasa casi sang bilang nang quemularg
ing matas á Sultan é re nanan balang
inaus da quea along cetrong Sultan
detang cayabe na á maldang mamulang.
Bina yang memalgang ampon pang meyayat
ning bigung y Abu qñg dusa nang tingap
oulang ya qñg tudtud qñg pamangan lacuas
itang cataua'na butul namu't balat.
Indat dalaua'ne indu nang ibatan
dusa ning anac na queang pagumasdan
dagul ning lunus na quiac nia mu misan
at paquisabi ne gueua rang mamulang.
E na sa sasabian ampon calingua'na
qng queang uculan qñg iya Sultan ya
at bibitasa'na nung ya ing dapta'na
agad deng ipalual qñg pangasucul na.
