- ( 25 )
Nita mong indu na nung macanian ngana
yang pilubluban mu lubus tiuase na
canitang Director maquiquit cu quea
at yang pagsulit cu ing masalese na ca.
Canitang Director mine ya't minarap
at ing sinabi na á ing queang anac
masalese ne pu at tutu neng mayap
carin qng hospicio palual na neng agad.
Pablasang ding sabla carin macabante
pepatutu la ngan mayap ne ping tune
at y Abu naman pepapalual na ne
mirina'neng tulut ing minuli ne bale.
Migmula na quetang uculan da quea
detang maldang tau qng ya mamulang ya
jalus é na buring miuman damdaman pa
ing pamagbansag nang Sultan á monarca.
Bitasang mialiua queang caugalian
qng nanu mang bague alang gaganacan
magdilidili ya mung magmain nung misan
ninu mang aquit na ali ne sicasuan.
Ing pamagsalita ya ing balican
y Harun-Alraschid marangal á Sultan
miliari cang Abu queang abalitan
migmula na quetang yausan deng mamulang.
ingcas ing lunus na quetang pinialung na
binang misaquitan canitang biru na.
inia inucul nang ablasa'na na ya
sabla nang piacu pauang bayara‘na.
- 4
