- ( 26 )
Ing mesabing Sultan queti ya linacad
ing calulung Abu ing nasa na't agap
yang cayabe na sadia nang alagad
ing seriang ine ra ing lual na ning ciudad.
Iniang quetang tete malapit nong datang
ting metung á tau carin de amatan
macalucluc ya pin canitang guvabnan
catulid ning ilug á binang malalam.
At macarungdung ya ita ning buntuc na
canitang asque na anting malungcut ya
ning Sultan ing tau aquilala na ya
ya't é aliua itang biniru na.
Ning Sultan caniti agad neng telanan
iti nang y Abu mebigla ya't misdan
ditac nia mebaldug nun é ne atalan
canita ning ilug ing bie na milamang.
Iniang mimasmas ne quea yang quilala
ing taung miniru ing mercader pa la
sabian pa ing mua na alang caaimpara
nun é sa y Mesrur atampaling na ya.
Ica ing mercader nganing queang bingcal
qng canacung bale mequipanlayunan
ing utang mung lub quecang inablasan
qñg lalung maragul á cadalamjatian.
Ing bilin eu queca nun uarit lisia ca
ing pasbul qng dalan ilapat me sana
at macabuclat yang licuan mung talaga
ya ing mipalub demoniong maranĝa.
