- ( 27 )
Bigla yang mipalub canining buntu'cu
qñg canacung ucul ya ing guinulu
cacung peniualan ing meguing Sultan cu
bagu pa la acung mistulang melocu.
Canitang hospicio carin da cu dela
bitasang mamulang cacu ra pinara
at é na cu milual angang ngeni sana
nun é cu sinabing é na cu Monarca.
Meili ya ing Sultan cang Abung pigsulit
maragul ya mua dinapat á suquib
at quetang pali na ban milaco tiquis
amanung malambut ing queang guinamit.
O cacaluguran ngana mo ning Sultan
mipamulala cu quetang quecang bingcal
marayung maliari ing bague á yan.
é ing demonio maquicasalanan.
Marajil ing alac á quecang ininum
yang mecasangcan caniang quecang ucul
at quetang lasing mu aisip mu layun
á ica ing Sultan at Monarcaug pun.
E ing calasingan nganang Abu naman
at masalese cu iniang maguing Sultan
inia detang apat meguing caluguran
pepabarug cu la layun peparusan.
Baquet y indu cu nun é tutu sana
quea lang atangap cacung peparala
qng Tesorero cu detang libung onza
nun é cu sa Sultan nu co cuanan deta.
