- ( 29 )
Dapot queting Mesrur ting bilin nang licuan
ning matas á Sultan qñg sabla nang daptan
ing copa nang Abu ing bigla neng dinan
quetang pacatudtud á pulbus ning apian.
Mapepenandit mu y Abu canita
mematueba ne pin at mipatudtud ya
inagad neng biuat at layun tinipa
ing Sultan cang Mesrur carin ya gulut na.
Iniang datang na la qñg real Palacio
quinera neng agad qng catre y Abu
minutus yang miuman ing Sultan dang guinu
sablang atiu carin nganang mengamanu.
Niti nang matudtud cabud caguising na
daptan yu pin quea gueua yung minuna
at mipasibayung pamialungan yu ya
ya ing pamintuan yung matas á Monarca.
Sabla pequibat da ing Ua qñg Sultan
pablasang nasa ra ing atin lang cailian
queti ra na sidia sablang cabagayan
qñg pamamiru ra sucat dang gamitan.
Panga-galingaldo migsaria yang tiquis
iti nang y Mesrur malaguang linapit
pisiag nang masican ngana ping migsulit
miguising na ca pu Monarca ming lauit.
Biclat nong mata na nitang guiguisingan
pablasang dimdam na aus á masican
iniang mibangu'ne queang aumasdan
tiu qñg Palacio mesindac yang biglan.
