- ( 30 )
Iti nan paninap ngana ning pisiag na
cacu bisang mulit miliaring minuna
é na cu tiuala at ya ring cabas na
ning minie pasaquit cacu pepalasa.
Ing tau nabenging mequipanlayunan
mercader á lilu queang inulitan
é nia naman sera ing pasbul qñg dalan
talagang nasa nang buri na cung biruan.v
At inia pin ngeni ing sucat daptan cu
anti mong matudtud magcacanuari cu
aguiang é cu mangan é na cu man tiedo
matucsu ya mu rin ing lilung demonio.
Qng iquit nang Mesrur tudtud na matalic
niti nang bibiruan é ya meligalig
dane catumbanan malále linapit
miuman'neng guinising ngana ring migsulit.
Maca-horas na pu ó matas á Sultan
sadiang pamibangun ampon caugalian
detang sablang Dama ta'ra ca panayan
at darala ra pu ing quecang piblasan.
Cabud na aramdam itang laguiung Dama
ati'no ngang sabla yang panayan da
metula ya pusu buring aquit na ya
ing Tala ning abac á tune sinta na.
Mata nang macapiac biclat nong agaran
itang palsinta'na quea yang paintunan
inia ping aquit ne ing tula na sacdal
quetang pagquera'na tinicdo yang biglan.
