- ( 31 )
Detang sablang Dama miagnan lang magcanta
pamataniran de ing Sultan monarca
dapot iting Abu anting tatacut ya-ng
miuman pang mamúlang at misaquitan pa.
Inia miniabi ya caretang macarap
qñg ba'cung é yapus qñg iti paninap
yang cumet cacu ing Tala ning abac
nung manasaquit cu cacung atalastas.
Pangasabi niti quinet neng agaran
ning Tala y Abu pecasicansican
qñg saquit ning queat na sinio yang masiran
macaguising cu pin ¡aray, aray, aray!
Qñg ba‘lang é maili detang sablang Dama
memagcanta no ngan ampon teterac pa
niti nang bibiruan inia ping aquit na
tinerac ya naman carela minara.
Cabang mimindac ya gagcas nang masican
ilang cabas tamu ding tune mamulang
é yu cu atauli queting cabagayan
nun é marajil pang cacu cong labisan.
Qng pamamindac na at pamagsapatia
sablang atiu carin bina lanng matula
nung misan lucsu ya at saca magquera
mengan salampune lupa neng bitasa.
Detang sablang Dama tu la ra sabian pa
sasagacgac lanğan ala ping cabasda
Sultan á sisilip anti mu rin queta
queang pamangaili é na apibata.
