- ( 36 )
Inia malagua neng inaus nang agad
itang asaua na á Damang y Nuzhat
ining ipagsulit nun uari at sucat
ing gauan qñg Sultan á cacung binalac.
Ngana ó bandi cu cacung aisipan
ing matas á Sultan cacu yang lalangan
ica magburul cang magmatematayan
at tune cang mete ing. quea cu sabian.
At baluan tana pin itang ugali na
ing matas á Sultan mapamacalulu ya
cabud cu panurup tambing lang yambag na
qng pangacutcut mu ding dacal a onza.
Ica na ing bala binte nang amanu
nganing asaua na binang tatacut cu
quemua'na ca galang ning monarcang guinu
nung ing bague á iti queang apagsinu.
Qng bague yan ali ca tumacut
scu na ing bala asaua cung irug
ali na icamua nun quecang asubuc
ugali ning Sultan canacu nang talus.
Penusiga'na ne ning Damang y Nuzhat
tambing yang migquera at migburul agad
mapepenandit mu migsundu't minarap
qng Sultan y Abu sangcan ya mong quiquiac
Iquit ne ning Sultan inagad quitang na
quecang pamanĝiac nanu tang sangca'na
at y Abu naman nginulangul na ya,
saca na pigmulan ing tagulele na
