- ( 37 )
Macalunus-lunus ó matas á Sultan
cabud nia pu mete asaua cung irang
anti rang penaco bie nang ingatan
é ne manĝisnaua cacung aguisingan.
Ding mata ning Sultan inagad lang miglua
lunus na cang Abu darala'nang lugma
at ngeni nanu sang sucat mung agaua
ali na misubli bie nang meuala.
Inia ing mebalu queang pamatulan
ing sablang iti nan quecang piuculan
ala nang maliari aguiang quia'ca man
bie't camatayan qñg banua ibat ngan.
Saca ne inaus itang Tesorero
agad nang inutus dina'ne y Abu
á libu ping onza ila ding ibie mu
á gaua'nang sáput quetang mal a tau.
Iniang ding salapi quea nong tangapan
itaning maglua meco neng agaran
at iniang datang ne queang tutucnangan
tambing neng tiniedo asaua nang irang.
Alben mu na nĝana asaua cung sinta
dening darala cu libu la ping onza
ban deting salapi miragdagan la pa
qñg canacung utus manusigca sana.
Qng budñing Sultana carin cao marap
guluan me yang buac mu at saca ca quiac
ngamu ing metene asaua mung liag
iniang miguising ca queca yang amalas.
