- ( 38 )
Menusig ya mu rin at linacad biglan
ing Damang y Nuzhat queang inutusan
malaguang minarap qng Sultanang mal
managulele ya ampon mañambitan.
Ing cacung asaua Sultanang marangal
mete nia pu cabud cacung aguisingan
quea mecamate é cu balung sangcan
macalunuslunus ya asaua cung irang
Qng pising nang ita Sultana misdan ya
qng dagul ning lunus tinulung lua na
Damang sira palad 6 Nuzhat cu ngana
quecaong pibatan ing batbat ning banua.
Quecang piuculan qñg sarili mung lub
pangapajamac na asaua mung irug
bie't camatayan atiu nğan qng Dios
ing sablang buria'na lubus ngan masunud.
Iniang mayari na queang pamanáral
agad neng inaus ning Sultanang mal
ing Tesorera na at penabilinan
ding libu ping onza cang Nuzhat no ibie.
Inia ping y Nuzhat quea na lang tingap<
detang libung onza meco neng inagad
migmalagaua ya anti ya mong quiquiae
bagu matula ya ampon sasagacgac.
Quetang tucnangan da iniaping miras ya
detang libung onza pacalaceing na la
ing pasbul qñg dalan pecalapat na ya
anti yang mamulang teracterac ya pa.
