- ( 41 )
Qñg bague á iti ing Sulta't Sultana
é la mipalábas qñg pamaniabi ra
qñg mua ning Sultana melutu ya lupa
at ing Sultan naman binang matula ya.
Ngana ning Sultana é ca maguinaquit
uli mong Sultan ca ali ca madaig
balang aisip mu yang quecang matulid
aguiang ing balac mu binang macapildis.
Qñg guingcas nang iti biglang menamdaman
qñg dagul ning mua na anti ya mong timban
nun é na apiguil queang peparusan
itang migcamaling é na melangalang.
Agad neng inaus y Mesrur ning Sultan
at y Abu-Hasan quea yang siasatan
qng ba'nang abalu't abitasang tune
caring aduang deta nung ninu ing mete.
Iting miutusan agad linacad ya
ing bale nang Abu yang pigsaria'na
macarayu ya pa biglang iquit da ya
deting mapamirung aduang miasaua.
Qng pasbul y Abu linual yang inagad
at migburul neman asaua nang Nuzhat
antia mong mebalu saca quiac quiac
inia iting Mesrur tambing yang mesindac
Penarala'ne pa itang Abu Hasan.
subiang ning pusu na é na panusigan
pablasang itamu pauang mate ta ngan
pangaras ning gulis nung ing horas datang.
- 6
