- ( 42 )
Pegumasda'na ya itang macaburul
niting miutusan á ipus á Mesrur
iniang asiasat ne minuli ne layun
ba'nang ibalita qñg Sultan nang pun.
Iniang miarap ne qñg Sultan monarca
queang pemalita ing mete pu ngana
aliua y Abu nun é pu ing Dama
itang macaburul tune iquit cu ya.
Mimua yang Sultana quetang queang bingcal
taung alang puri ampon pang malaram
yang tune mete itang Abu Hasan
é mu na ipilit é ing Damang irang.
Mesrur tinutul na qñg budñing Sultana
ing macaburul pu ing quecayung Dama
Sultana quillo na aliua ya nğana
misapacat cayu ning quecang Monarca.
Qng mua ning Sultana inaus ne ping agad
itang Sisiua na qng ba'neng pasiasat
ngeni mu na aquit ampon atalastas
nun é ya pin mabie ing Damang y Nuzhat.
Mesabing Sisiua biglang linacad ya
tinupad qñg utus ning budñing Sulta
macarayu ya pa agad iquit da ya
detang mapamirung á aduang miasaua
Itinan mong Abu migburul agaran
linual ya qñg pasbul itang Dama naman
lupa na malungeut mata na panluan
qng pangamate ning asaus nang irang.
