This page has been validated.
- ( 45 )
Uculan dang mete agad lang siniclod
qng arap ning Sulta't asaua nang irug
sacara inauad ampon piñiclaud
ilang miasaua ing tauad dang lubus.
Selita ra na pin itang casaquítan
sabla rang pibata panaun dinalan
inia inucul dang migmatematayan
ba‘lang micacualta't micapagcabiayan
Canitang miliari ing Sulta't Sultana
meili na la mu careta ning adua
inia ing depat da pepatauad da la
binie rang salapi't digdaganan do pa.
Detang miasaua ali no quinulang
caba ning bie ra é no misaquítan
ning Damang y Nuzhat ampon Abu-Hasan
anga qñg mepupus ing bie rang ingatan.
Bie nang queralanan dinan cu neng uacas
niting Abu-Hasan qñg quimta'nang palad
bansag Macaguising á lubus máninap
miliari nang mali icayu nang ganap.
- UACAS.
