- ( 2 )
Quea ping inucul atin yang panayan
at é magcasaquit sacasacali man
bigla yang tinalbug tula ning catauan
meguing cacuyug na bina la ping dacal.
Lasa aldo aldo ting añaja'na
dacal á pamangan ing pigagasta'na
sarisaring alac pauang mayalaga
anti uaring danum qñg pamaninum da.
Ding cualta qñg sugal anti lang tutugtug
quetang selusuan dang darala‘ning agus
ila ding cacabsi detang queang cuyug
taid de y Abu quetang pangalumud.
Mesabing cuyug na saria lang manutang
ding gamat nang Abu macaladlad noman
dapot éra balu ing capamayaran
pamanugee cualta ala yang pasayang.
Ita mong malugud sinese matua na
qñg iquit nang iti inaus ne queta
lubus pamacamal penarala'na ya
ban mibalic á lub ita ning anac na.
Ing binte nang Abu o indung gagalang
mu casisindac alang nanu naman
ding cacung cacuyug é mo pajamacan
nung macalulu cu ing dumame la ngan.
At nung mipacanian binte nang indu na
marajil maliari mayayaquit sadia
sablang cacuyug mung cayabe talaga
pilit lang gumulut nung caluluna ca.
